彩aya

營業中

休息中

唔係朋友介紹都唔知石塘咀後巷有間日式沾麵，趁今晚單拖冇人陪就行入去試下。小鋪環境乾淨，啲位又好坐，日本侍應非常熱情有禮。揀咗蝦味噌湯，麵就揀唐辛子，即紅辣椒，好似好特別嘛～個湯味道濃郁，但又唔會膠住個口，配上口感煙韌嘅拉麵，真係絕配。而且麵嘅份量係滿滿一碟，絕無呃秤。不過叫唐辛子又唔係好覺點辣，好似同原味拉麵差唔多。而湯入面嘅日式叉燒同溏心蛋都屬高質。