影片
更多
2011-08-15
33 瀏覽
閉關九日後的第十天……晴 (天氣 + 心情)!!大約三個月前的約會, 加上威迫 (唔知幾時會再到大中華架) 利誘 (訂咗隻豬BB喎); 再加插兩星期前向啊姐 “自首”, 沒有怪責下且溫柔地回問, 八月十二日會否出席此飯局, 你哋話可以答NO嗎??!! 同事依然book 6:30pm要8:30pm前還枱。 當日6:00pm有多才開完會, 出動人情牌要求同事直接車送到長沙灣; 先至可以响6:50pm 到達, 如果唔係都真係 “豬去人空”!!!因為有上次經驗, 而且準備工夫做足; 所以今次下單的餸菜果然 “與前不同”, 吃得相當滿足! 而且7個人坐到10人枱, 唔使好似上次迫住立時 “掃清” 每碟餸。菜心炒牛肉 = 菜心嫩牛肉滑, 不過油膩了小小; 而且相比其他餸菜是瞬息了許多。上湯煮勝瓜 = 除咗勝瓜, 食材有竹笙 + 肉碎 + 金華火腿; 個上湯都真係好有料到。相比其他餸菜, 清清地個上湯又鮮甜; 所以食得好清淡個IMS同事差不多佔為己有, 將碟餸放咗响自己前面。煎墨魚餠 = 大大粒墨魚依然保留响墨魚膠中, 墨魚味不失外且嚼感一流; 再加上金黃色紅紅綠綠的賣相令食慾大增。臘味糯米飯 =
大約三個月前的約會, 加上威迫 (唔知幾時會再到大中華架) 利誘 (訂咗隻豬BB喎); 再加插兩星期前向啊姐 “自首”, 沒有怪責下且溫柔地回問, 八月十二日會否出席此飯局, 你哋話可以答NO嗎??!!
同事依然book 6:30pm要8:30pm前還枱。 當日6:00pm有多才開完會, 出動人情牌要求同事直接車送到長沙灣; 先至可以响6:50pm 到達, 如果唔係都真係 “豬去人空”!!!
因為有上次經驗, 而且準備工夫做足; 所以今次下單的餸菜果然 “與前不同”, 吃得相當滿足! 而且7個人坐到10人枱, 唔使好似上次迫住立時 “掃清” 每碟餸。
菜心炒牛肉 = 菜心嫩牛肉滑, 不過油膩了小小; 而且相比其他餸菜是瞬息了許多。
上湯煮勝瓜 = 除咗勝瓜, 食材有竹笙 + 肉碎 + 金華火腿; 個上湯都真係好有料到。相比其他餸菜, 清清地個上湯又鮮甜; 所以食得好清淡個IMS同事差不多佔為己有, 將碟餸放咗响自己前面。
煎墨魚餠 = 大大粒墨魚依然保留响墨魚膠中, 墨魚味不失外且嚼感一流; 再加上金黃色紅紅綠綠的賣相令食慾大增。
臘味糯米飯 = 一個大瓦煲 (裝上三1/3份量的切粒臘味及糯米飯)、兩隻公雞碗 (一隻裝豉油 + 一隻裝蔥及炸花生) 。 店員即場表現攪飯, 先下豉油, 煙便隨即升起, 香味四散; 個IMS同事在未下蔥時先裝上一碗糯米飯。 店員再下蔥及炸花生, 蔥更令糯米飯錦上添花; 香噴噴的臘味糯米飯味亦不停四飄!! 我哋沒有立時裝上糯米飯, 因為要弄出飯焦是需時!! 糯米飯煙煙靱靱、臘味香口、蔥同炸花生絕非配菜, 一個無飯癮、對臘味無興趣、不愛吃花生的人, 竟吃了兩小碗; 可想而知好味的情度!!!
攪飯店員見我影相, 問我影唔影到D飯 “跳躍” 的感覺…..吓….請大家俾個評價到底我影唔影到??
薑蔥鮑魚 = 鮑魚係鮮鮑, 好淋好滑廉爽口; 而且薑蔥沒有蓋過鮑魚的鮮味!! 可惜只點了兩隻!!
清蒸花甲 = 睇咗最近期的食評, 花甲每碟有十二隻; 而我哋哩碟只有十隻, 不過隻隻都非常肥美。我自己食咗兩隻, 第一隻完全無加醬油, 大大隻的花甲都好鮮甜; 第二隻加咗甜酸汁, 反而失實了那種鮮甜!!
冰鎮花竹蝦 = 又大隻又新鮮又彈牙, 吃第一隻時D青芥辣竟可令我有淚光; 有衝動想問啊老板青芥辣係邊隻牌子, 從未响任何一間日本食店食到咁攻鼻嘅青芥辣!! 個F同事好似疑得我唔死咁, 專登幫我剝咗隻蝦仲要混上青芥辣; 不過可能已經有心理準備, 無咁攻鼻lu!!
乳豬 = 還未戒奶的豬BB, 用炭爐溫火燒; 令原本皮簿膏少肉嫩的豬BB, 燒出一個三重口感來, 脆口、黏口、嫩口…..yeah yeah yeah!!! 雖然我同啊姐可以分到一人一隻豬脾仔, 不過點解隻豬BB無咗雙前腿呢?
今餐大家都真係食得好滿足, 不過我哋依然去覓尋糖水店; 皆因要籍此散散步幫助消化。張貼
