影片
更多
2008-04-18
11 瀏覽
自從幾個月前改收加一服務費，有段時間行過門口，真係靜咗，週末最旺時間仍有空枱，週日七八點也沒太多人圍住等位。過咗一排，又回復番熱鬧景況，不過始終冇之前咁誇張，想話訂張三四人嘅細枱，六點都好難，一定要五點九或更早，依家六點半嚟到都只係半滿。可惜服務水平下降了，如果坐響「正店」或閣樓還好，若然被安排由側門入嘅「偏廳」就差啲，唔通係老板睇唔到? 位位亞哥亞姐都好似唔憂做咁( 事實佢哋仍算旺場)，枱枱客都要叫幾次至可以叫得佢哋郁，可能傾開計唔想停啩...好似我的遭遇: 坐低後响張卡度已被剔了兩碟收費小食，雖然堅持係可以唔要，但無所謂吖。到我洗晒杯碟筷後，估計係佢一時忘記啫，揮了幾次手之後終於通知到另一但，三幾分鐘後又再話俾另一位知，不過仍然冇拎嚟…唔係平貴問題，但你哋旁邊便放著幾大盆，又唔係忙到踢晒腳，為何個個都咁「善忘」? 之後再叫人，卻問我兩碟想點要法…唉! 只有花生和酸菜，可以點揀呢? 冇錯，咁嘅價錢你想要啲咩嘅服務喎，但起碼最基本都要有啩：冇理由( 鄰座) 要求更換一隻未洗乾淨嘅碗仔，換來黑臉，或者係不滿要佢行多轉，至於我再要多支飲品又冇嚟到，相對是小事矣…次次飲胡椒湯，今晚三人改要：
過咗一排，又回復番熱鬧景況，不過始終冇之前咁誇張，想話訂張三四人嘅細枱，六點都好難，一定要五點九或更早，依家六點半嚟到都只係半滿。
可惜服務水平下降了，如果坐響「正店」或閣樓還好，若然被安排由側門入嘅「偏廳」就差啲，唔通係老板睇唔到? 位位亞哥亞姐都好似唔憂做咁( 事實佢哋仍算旺場)，枱枱客都要叫幾次至可以叫得佢哋郁，可能傾開計唔想停啩...
好似我的遭遇: 坐低後响張卡度已被剔了兩碟收費小食，雖然堅持係可以唔要，但無所謂吖。到我洗晒杯碟筷後，估計係佢一時忘記啫，揮了幾次手之後終於通知到另一但，三幾分鐘後又再話俾另一位知，不過仍然冇拎嚟…唔係平貴問題，但你哋旁邊便放著幾大盆，又唔係忙到踢晒腳，為何個個都咁「善忘」? 之後再叫人，卻問我兩碟想點要法…唉! 只有花生和酸菜，可以點揀呢? 冇錯，咁嘅價錢你想要啲咩嘅服務喎，但起碼最基本都要有啩：冇理由( 鄰座) 要求更換一隻未洗乾淨嘅碗仔，換來黑臉，或者係不滿要佢行多轉，至於我再要多支飲品又冇嚟到，相對是小事矣…
次次飲胡椒湯，今晚三人改要：
家鄉煎餅，差不多係必選，可惜今次差咗。仍然係兩大塊，但其中一面炸得過咗火好燶，燶到唔敢放入口。連太太也同意仔嘅份量少咗，有時夾一大塊入口都淨係得食到啲木薯( 或者番薯) 粉槳，唔係咁滿意。
鹵水鵝肉，比平時冇搭咁多骨，算係唔錯。如果要豆腐片墊底要單時講定，否則就會俾花生，好似我今次咁，忘記咗一時失策。
香芋雞粒玉子豆腐，我對此菜冇乜好感，只因女兒喜愛。是關那堆粒粒己煮到「熔熔爛爛」似糊狀，重要倒入成湯羹麻油在其中等你撈勻，都已經夠晒味( 鹹)，實在無須要添加。主要是芋頭粒，雞粒相對很少。
椒鹽九肚魚，新鮮熱辣，炸得幾香口。炸粉厚咗啲，咬好入至食到個饀。
好似未試過點菜忘記一定要包括瓜或菜，今次係第一次，事後至發覺，但再加又食唔晒…
撇除差勁服務，餸菜評語還算可以，為何仍給予喊臉? 皆因拌入了太多味精，一啖入口己知，唯有盡量醮少一啲醬汁。少量或者可以吊吓味，但過量真係會令人反感。以前食完唔會點樣口乾，今次我到第二朝仍要飲水解渴，真係怕怕!
張貼