影片
更多
2015-09-13
1783 瀏覽
好久以前知道這店進駐尖沙咀，但因人太多，所以一直列在我的"To eat list"內，咁想試都係因為港女心態，人試我試，Ig打下卡咁。今日終於都係番工之前黎食。前一晚我地已經做定research，所以決定好食咩。1. 牛油果蟹肉XX包2. Aglio Olio3. 香芋waffle黎到原來已經無做lunch set優惠(唔知因為weekend定直情無左)，我再問個牛油果蟹肉包，個waiters好唔好老脾咁話「下，無做好耐咖喇喎！」，ok咁我地話要香芋waffle，第二個waitress又話「今日無香芋賣呀」。果下已經好唔開心咩都無得食，所以轉左食其他野。1. Latte($36) 完全貨不對板！menu張相明明係cafe果啲latte，有拉花，仲要係熊仔好似好pro咁，上到枱係一杯macchiato，同nespresso果啲機咖啡完全無分別！2. Aglio Olio($8x) 呢個Aglio olio唔知點解係紅色，有茄汁味，我問waiter點解係紅色，佢堅持話「廚師話無落茄汁，紅色係啲椒既色」。雖然唔明點解個Aglio Olio會同出面咁唔同，但我地都無再問，食完就算。3.西班
今日終於都係番工之前黎食。前一晚我地已經做定research，所以決定好食咩。
1. 牛油果蟹肉XX包
2. Aglio Olio
3. 香芋waffle
黎到原來已經無做lunch set優惠(唔知因為weekend定直情無左)，我再問個牛油果蟹肉包，個waiters好唔好老脾咁話「下，無做好耐咖喇喎！」，ok咁我地話要香芋waffle，第二個waitress又話「今日無香芋賣呀」。果下已經好唔開心咩都無得食，所以轉左食其他野。
1. Latte($36)
完全貨不對板！menu張相明明係cafe果啲latte，有拉花，仲要係熊仔好似好pro咁，上到枱係一杯macchiato，同nespresso果啲機咖啡完全無分別！
2. Aglio Olio($8x)
呢個Aglio olio唔知點解係紅色，有茄汁味，我問waiter點解係紅色，佢堅持話「廚師話無落茄汁，紅色係啲椒既色」。雖然唔明點解個Aglio Olio會同出面咁唔同，但我地都無再問，食完就算。
3.西班牙蛋餅($62)
真心好唔推介呢個蛋餅！仲差過我第一次係屋企自己炒既蛋。個蛋有啲生，有啲熟，可能本身係咁既質地，外面係窿既，入面係生既，啲蛋無味，加上入面唔知係放左薯仔定咩，切唔斷，一pat pat，食落又係生生地（如果係熟既薯仔應該會咬得爛但呢個唔得），食左兩啖，呢個真係放棄 。
4. 綠茶窩夫($78)
都係伏呀！得兩塊，抵唔抵就見人見智。個waffle皮唔係waffle味果啲有格仔餅味鬆軟既質地，係痴牙既甜餅質地，好硬，好似咬緊軟膠。綠茶雪糕有綠茶味，但奶味更重。我都係放棄左，好傷心因為我好中意食greentea。
5. Truffle Fries ($48)
呢個有驚喜，好多，好食，唔知點解配肉燥，外脆內軟，熱既。
最後埋單$37x，就係兩個字「巨伏」 ，未上食物之前男朋友話下次再試香芋waffle，依加真係唔洗喇無下次！
最後補多句，service好差，無禮貌，反應慢，玩手機，坐係凳棟高隻腳綁鞋帶，連經理都係黑面神，ok no more next time。
張貼
