巧得鍋 (已結業)

同個friend去apm, 做完正經事就要去醫肚仔,朋友曾經喺apm上班,對附近熟悉,佢話天氣凍,帶我去食雞鍋,暖身咁話喎😂好得鍋好近apm,行2分鐘就到,呢度裝修型格簡單整潔,坐位好闊落,相當舒適,每張枱中間都有下沉式火鍋電磁爐同埋烤肉位,果然真係專做火鍋烤肉嘅。坐低已經先嚟一壺大麥茶同兩小碟前菜,今日係涼拌鮮雲耳。個friend知我唔食得太辣,就我叫咗個BB辣雞鍋$168,我叫咗杯哈密瓜汁（加$12）,朋友就要咗士多啤梨沙冰（加$8）。兩杯飲品都係新鮮生果即打,生果分量好多,果汁清甜新鮮好好飲。主角雞鍋有半隻雞,分量好多,味道香濃微辣得嚟唔會過鹹,跟餐有兩碗白飯,雞鍋實在太惹味,連平時少食澱粉嘅我,都忍唔住ko碗白飯😁。跟餐要咗魚湯浸娃娃菜,清甜魚湯娃娃菜可以適時調節一下味蕾👍,我哋略嫌娃娃菜份量少咗啲,如果多啲娃娃菜就更perfect。餐廳侍應有禮貌又殷勤,我哋兩個掛住傾計冇留心火力,侍應都主動埋嚟幫我哋調節電磁爐火力,又會加上湯避免雞鍋太乾👍呢度冇收加一,一大份惹味雞鍋😋,一份菜連兩杯新鮮即打生果飲品,埋單都只係一百八十幾蚊,我哋食到好飽飽又滿足, 客觀講性價比都相當高,有機會