影片
更多
2021-09-10
64 瀏覽
餐廳位於觀塘成運街，樓口有條樓梯直上唔洗搭電梯。餐廳內座位好闊落，當日7點半入座，約滿座一半，一人二人店員亦安排我哋坐卡位。餐廳枱上附有USB充電口，今日出咗成日街電話都差唔多冇晒電，一路食飯一路差，一個鐘左右食完差唔多差滿電。餐廳出名食雞煲，烤魚亦推薦，由於晏晝食咗雞所以夜晚就叫咗烤魚煲。烤魚用上細隻既沙巴龍躉，約12兩重，唔算大條但勝在肉質鮮嫩。煲內本身配左豆卜、蓮藕、黑木耳等蔬菜。由於同行友人唔食辣，叫左走辣，食咗一半叫店員俾咗少少辣椒醬我哋。醬料屬麻辣，夠麻夠香，有辣香口好多，打邊爐亦惹味好多。配料方面叫左日本水飼黑豚肉、牛筋丸拼貢丸、萵筍、辛辣麵同埋出錢一丁。 黑豚肉唔算太肥食落口有豬似既甜味，分量多價錢亦實惠，唔鍾意食牛又想食肉嘅朋友可以考慮。牛筋丸食落似振興嘅牛丸，入口多汁彈牙有牛味。萵筍切成條狀，方便打邊爐嘅時候易啲入味，鍾意食爽脆口感嘅朋友就唔好淥咁耐啦～最後唔夠飽嗌多咗兩個麵，見好少地方有得食辛辣麵打邊爐，叫左個雙拼出前一丁辛辣麵，食完捧住個肚走～
餐廳位於觀塘成運街，樓口有條樓梯直上唔洗搭電梯。
餐廳內座位好闊落，當日7點半入座，約滿座一半，一人二人店員亦安排我哋坐卡位。餐廳枱上附有USB充電口，今日出咗成日街電話都差唔多冇晒電，一路食飯一路差，一個鐘左右食完差唔多差滿電。
餐廳出名食雞煲，烤魚亦推薦，由於晏晝食咗雞所以夜晚就叫咗烤魚煲。烤魚用上細隻既沙巴龍躉，約12兩重，唔算大條但勝在肉質鮮嫩。煲內本身配左豆卜、蓮藕、黑木耳等蔬菜。由於同行友人唔食辣，叫左走辣，食咗一半叫店員俾咗少少辣椒醬我哋。醬料屬麻辣，夠麻夠香，有辣香口好多，打邊爐亦惹味好多。
配料方面叫左日本水飼黑豚肉、牛筋丸拼貢丸、萵筍、辛辣麵同埋出錢一丁。
黑豚肉唔算太肥食落口有豬似既甜味，分量多價錢亦實惠，唔鍾意食牛又想食肉嘅朋友可以考慮。
牛筋丸食落似振興嘅牛丸，入口多汁彈牙有牛味。
萵筍切成條狀，方便打邊爐嘅時候易啲入味，鍾意食爽脆口感嘅朋友就唔好淥咁耐啦～
最後唔夠飽嗌多咗兩個麵，見好少地方有得食辛辣麵打邊爐，叫左個雙拼出前一丁辛辣麵，食完捧住個肚走～
張貼
