影片
更多
2017-04-03
1023 瀏覽
今晚我和Honey到觀塘歎私房菜,係食中餐嘅私房菜。餐廳裝修簡單，又夠光猛感覺幾好。今晚就order咗佢哋嘅2人套餐，前菜係有機沙律菜配芝麻醬、涼拌鮑魚菇、涼拌木耳。特別要推介呢個有機沙律菜，配埋上面有非常多汁番茄嚟食，真係好醒胃。茶燻流心蛋魚子醬伴厚切茄子流心蛋茶燻嘅香味濃郁，流心蛋不太甜，保留了蛋香; 茄子煎得可口，蛋汁流在茄子上再加上佢嘅醬汁非常好味，配菜有粒龍珠果入口好甜好好味。食完前菜，就要飲返個燉湯啦，我就揀咗川貝陳皮海底椰鱷魚肉湯:材料非常豐富，入邊真係有大大嚿嘅鱷魚肉，川貝、陳皮加上海底椰，成個感覺好潤喉又潤肺。Honey就揀咗哈密瓜螺頭黑毛豚肉湯:哈密瓜、螺頭、淮山豬肉等令湯清甜，夠火喉沒有味精。以上2款燉湯食得出真係落足料去燉的。蝦球水芙蓉蝦肉好新鮮，食落好爽口彈牙，同埋好鮮甜。水芙蓉即係蒸蛋白，加上上面有一層薄嘅玻璃芡。蛋白好滑，蛋味唔算好濃。鮮魚湯浸碧綠溫室豆苖魚湯鮮甜，侍應哥哥話係用咗大量嘅蘇law魚仔黎煲，海鮮味道非常濃郁。配埋溫室豆苗黎食真係not bad。蒜香芝士焗老外蠔王用了蒜香芝士焗起來很香而D蠔就大隻肥美。遠年新會陳皮骨肉嘅外皮烤到有少少微焦，入口
今晚就order咗佢哋嘅2人套餐，前菜係有機沙律菜配芝麻醬、涼拌鮑魚菇、涼拌木耳。特別要推介呢個有機沙律菜，配埋上面有非常多汁番茄嚟食，真係好醒胃。
茶燻流心蛋魚子醬伴厚切茄子流心蛋茶燻嘅香味濃郁，流心蛋不太甜，保留了蛋香; 茄子煎得可口，蛋汁流在茄子上再加上佢嘅醬汁非常好味，配菜有粒龍珠果入口好甜好好味。
食完前菜，就要飲返個燉湯啦，我就揀咗川貝陳皮海底椰鱷魚肉湯:材料非常豐富，入邊真係有大大嚿嘅鱷魚肉，川貝、陳皮加上海底椰，成個感覺好潤喉又潤肺。Honey就揀咗哈密瓜螺頭黑毛豚肉湯:哈密瓜、螺頭、淮山豬肉等令湯清甜，夠火喉沒有味精。以上2款燉湯食得出真係落足料去燉的。
蝦球水芙蓉蝦肉好新鮮，食落好爽口彈牙，同埋好鮮甜。水芙蓉即係蒸蛋白，加上上面有一層薄嘅玻璃芡。蛋白好滑，蛋味唔算好濃。
鮮魚湯浸碧綠溫室豆苖魚湯鮮甜，侍應哥哥話係用咗大量嘅蘇law魚仔黎煲，海鮮味道非常濃郁。配埋溫室豆苗黎食真係not bad。
蒜香芝士焗老外蠔王用了蒜香芝士焗起來很香而D蠔就大隻肥美。
遠年新會陳皮骨肉嘅外皮烤到有少少微焦，入口好香口，陳皮味好濃郁，咬了一口有驚喜，陳皮香味全滲入了排骨肉裡，而且排骨肥瘦適中，一試難忘。
荷葉蒜蓉海斑片蒸飯海斑片肉質結實鮮甜，落了蒜蓉蒸，充滿著蒜香，伴飯一流。
還有種類多的生果併盤。整晚的菜式都很精緻，感受到餐廳用心編制菜譜，這就是私房菜窩心之處。
張貼
