巧得鍋 (已結業)

在工廠區搵食一般都不會搵到咩高質餐廳，今次呢間打邊爐餐廳就打破左呢個傳統。湯底、食材樣樣都好，湯底本身嘅湯料都食到半飽，豬骨味濃，喜歡濃豬骨味嘅朋友可以一試。食材方面，澳洲和牛又香又滑，入口化開牛味香濃。即炸響鈴非常香口，浸一浸湯即刻放入口，最岩鐘意食香口野嘅朋友。手打丸同自家製水餃都非常好食，由其是芝心手打丸，配上芝心後味道更豐富，而安格斯牛水餃都相當高質。最後醉雞都十分入味，每一件雞都浸在酒中，味道岩岩好。最好餐廳仲送上時令水果，為火鍋畫上完美句號！