魔膳廚房 (已結業)

開頭見觀塘工廠區以為好難搵，原來APM鱷魚恤大廈出口兩步就到。入到餐廳唔講真係唔知喺工廠區，環境舒適。叫咗兩個set dinner，用咗$1優惠叫兩款小食Parma ham伴哈蜜瓜作頭盤一流，Parma ham 味濃而不太咸。糯米釀香辣雞翼，手工嘢，值得推介主菜叫咗龍蝦汁海鮮意粉，龍蝦汁味濃配以新鮮大蝦，輕食之選。紐西蘭西冷牛扒（五成熟），五成真係做到五成，肉質嫩滑。甜品方面有驚喜，紅桑子草莓cheese cake(左） 同Tiramisu（右），兩款都唔會太甜，製作細心Tiramisu 尤其特別，嗜甜品人士必試。終結：觀塘工廠區set dinner算係有水準，而且地步近地鐵站，駕車亦可泊APM。