影片
更多
2021-09-19
86 瀏覽
夏天食火鍋，最緊要間餐廳個冷氣夠凍。觀塘呢間巧得鍋，雖然係工廈入邊，裝修欠奉，但冷氣就好夠力。兩個人食火鍋其實有啲麻煩，點四五樣想食嘅嘢，其實已經冇乜其他選擇。所以佢有個餐唔錯，有湯底，有唔同牛嘅部位，丸類餃類每人各一個粒，仲有蔬菜籃，於是決定食餐。湯底就揀咗花膠竹絲雞，上枱時藥材味好濃，因為入邊放咗黨參，飲落淡淡藥材味，覺得好滋補。另外揀咗牛肉拼盤，有切到好薄嘅牛肉片，另外有啲牛柳粒，牛柳粒就一早放落鍋，滾得越耐越淋越好食，牛味亦都比較濃。另外一啲帆立貝，刀貝，蜂巢豆腐蟹柳等，都係雪藏貨色。中規中矩。反而最有驚喜係自家製嘅兩種餃類及丸類。手打蝦丸仲見到大大隻蝦响入邊，唔係將啲蝦肉搞到變漿，差唔多食到幾隻蝦，又鮮甜。另外嘅墨魚丸同樣出色。另外嘅驚喜就係韭菜安格斯牛肉餃同埋自家製鮮蝦水餃。前者用韭菜同牛肉，出奇地夾，調味又好，將兩樣咁濃味嘅嘢放埋一齊，都做到唔錯嘅平衡。另外嘅鮮蝦水餃比一般麵店做得更用心，有筍絲木耳絲等，都切到幼細，而且餡料充足，蝦同豬肉嘅比例唔錯，呢個餃我比好高分😋另外個餐仲會包啲特色飲品。本來就咁想叫凍檸茶，店員提我地可以叫其他，最後就揀咗菠蘿冰沙同檸檬特飲。兩樣都唔
雖然係工廈入邊，裝修欠奉，但冷氣就好夠力。
兩個人食火鍋其實有啲麻煩，點四五樣想食嘅嘢，其實已經冇乜其他選擇。所以佢有個餐唔錯，有湯底，有唔同牛嘅部位，丸類餃類每人各一個粒，仲有蔬菜籃，於是決定食餐。
湯底就揀咗花膠竹絲雞，上枱時藥材味好濃，因為入邊放咗黨參，飲落淡淡藥材味，覺得好滋補。
另外揀咗牛肉拼盤，有切到好薄嘅牛肉片，另外有啲牛柳粒，牛柳粒就一早放落鍋，滾得越耐越淋越好食，牛味亦都比較濃。另外一啲帆立貝，刀貝，蜂巢豆腐蟹柳等，
都係雪藏貨色。中規中矩。反而最有驚喜係自家製嘅兩種餃類及丸類。
手打蝦丸仲見到大大隻蝦响入邊，唔係將啲蝦肉搞到變漿，差唔多食到幾隻蝦，又鮮甜。另外嘅墨魚丸同樣出色。
另外嘅驚喜就係韭菜安格斯牛肉餃同埋自家製鮮蝦水餃。前者用韭菜同牛肉，出奇地夾，調味又好，將兩樣咁濃味嘅嘢放埋一齊，都做到唔錯嘅平衡。
另外嘅鮮蝦水餃比一般麵店做得更用心，有筍絲木耳絲等，都切到幼細，而且餡料充足，蝦同豬肉嘅比例唔錯，呢個餃我比好高分😋
另外個餐仲會包啲特色飲品。本來就咁想叫凍檸茶，店員提我地可以叫其他，最後就揀咗菠蘿冰沙同檸檬特飲。兩樣都唔錯，增加性價比👍
張貼
