新境界餐廳 (已結業)

觀塘區内食店的生態環境，其實已經兩極化，有高檔食店，主要集中在觀塘地鐵站的大形商場内，也有一些平民化的食店，主要集中在工廈内，客户大多數是區内的上班一族，在食午飯的時候，但求填飽肚子便可以，對食物質素和環境要求不是太高，只求價錢經濟實惠。今天也是由同事介紹下，和同事一齊來到呢間位於工廈内的食店，基本上是一間茶記，環境非常普通，但也算得上乾淨企理，生意唔錯，午飯時間差不多全場滿坐。選擇食物和快餐店一樣，在收銀機前面的一道牆，已經有齊晒食物資料，揀好了便到收銀機那邊落單和付款。本人也選海南雞飯套餐，價錢是三十八個大洋。基本每次去呢類茶記食飯，都習慣上要飲例湯，但每次的例湯來來去去都係個幾種味道，分别唔大，今次的例湯也一樣，好彩味精的感覺不是太濃，普普通通過得去。碟海南雞，份量算多，雞肉嫩滑，不過子失。話明係海南雞飯，應該係跟油飯，但係今次只係跟白飯。作為填飽肚子的功能，這裡算是可以，價錢也大衆化，可以為觀塘區内的上班一族堤供多一個選擇。