米走雞 (太子藍馬之城)

營業中

休息中

之前已經在長沙灣食過一次米走雞，覺得唔錯，所以今次約同事傾計加食野。食雞煲可以慢慢食，而且食完雞之後仲可以加湯打邊爐。涼拌五香牛肉起初以為前菜好細碟，比想像中大碟，而且幾入味，在食雞煲前係一個唔錯的頭盤好味😋😋😋芝士黃金雞煲因為我之前食過，所以俾同事選食麻辣定芝士雞煲，我兩款都想有人選，內心有少少想試麻辣，不過芝士雞煲係好味的，而且仲可以點激量芝士，好濃的芝士味，雖然我跟同事都幾大食，但雞件的份量都已經好多，我地只係選最細份量。手打丸 五寶丸我見有推介的LOGO，所以叫左一份，兩個人食可以試晒5種口味，好味，同平日在街食的丸完全不同口感。我特別喜愛豬肉丸。好足料的感覺。雖然只是比平日食的丸大小小，但真係好味好多。炸響玲這個則正常水準，比平日食的響玲更大，但如果連芝士湯底一併食，佢會吸晒D芝士湯，味道唔錯。