瘋狂小面 (佳德商業大廈)

營業中

休息中

今日夜晚突然好想食下辣野，就黎左呢間係中環嘅瘋狂小麵，聽個名都覺得好特別🤩。我就叫左一個瘋狂大排麵，揀左小麻小辣。一黎到就聞到個湯底非常香同惹味🤤，而且飲落味道亦夠曬濃郁，而個大排肉質鬆軟，而且浸埋d湯吸埋d味道就更正😃。因為太辣嘅關係我就叫左杯金橘檸檬，飲落夠曬清新又唔會太甜。小食方面我就揀左醬燒茄子，呢個係冷盤所以比較特別，再配埋個辣油醬汁別有一番風味💕。我朋友就叫左個麻辣木耳，有少少辣，不過好爽口。最好嘅紅棗銀耳湯除左係甜品之外仲夠曬解辣😍。