JUST'er Bar & Restaurant

營業中

休息中

今日經過山林道，見到呢間餐廳入座率咁高，見到落地玻璃裏面嘅佢哋枱上面嘅食物好豐富，於是我同朋友到忍唔住入去試吓，好彩仲有個位俾我哋，餐牌上見到好多唔同款式嘅食物，有我最鍾意嘅海鮮，亦都有我朋友最鍾意嘅肉類，於是我哋好快就決定好食咩。門西淋牛豬仁雞vs蝦兵蟹將呢個餐又可以滿足我嘅海鮮癮，又可以滿足朋友嘅食肉癮，一上菜嘅時候真係視覺上嘅震驚，估唔到個龍蝦咁大隻，學佢個menu話齋，真係幾多汁架！而且肉質好實好彈牙，個頭好多膏。半隻燒春雞表面灑上孜然粉，食落好香口，雞肉好滑好多汁，唔覺得好油膩。啤酒薯條份量適中，而且炸得非常脆口，我同朋友食唔停口。原隻炸軟殼蟹，炸都好香，調味方面做到啱啱好，唔會覺得好熱氣。多汁豬仔骨表面勁多汁，完全唔會烤到好乾身，食落個肉質好淋身，而且外面個燒烤醬非常惹味，口感非常豐富。曲奇馬上瘋超級有飽肚嘅感覺，而且曲奇味好香，晚上亦都好吸引，唔會過甜。