JUST'er Bar & Restaurant

營業中

休息中

一入到間餐廳已經覺得好正！佢成個裝修都有種MK味，啲霓虹燈同啲配色都有讓我回到當年後生嘅MK年代，睇真啲，嗰隻觸角馬都真係寫住Very MK！正！今次嚟到專程想試下佢嘅新作，之前海陸空大餐已經超正，大件夾抵食，估唔到今次呢個「德州分筯錯豬仔骨」真係冇得輸，足四磅真係再大件夾再抵食啲！佢成分嘢放枱面之後，真係蓋哂成個枱面咁，夠哂霸氣！而佢呢隻分筯錯嘅骨比佢煮得好冧，啲肉又入哂未！上面再加上一層黑椒汁令佢再野味啲！佢每一條骨都好分明，只要用手指公同食指夾住舊骨，然後向右一扭，個叉一頂埋去，係成條⻣可以甩哂出嚟！然後就當然後啖啖肉，勁多汁！再配上佢嘅酸瓜，都係大大件，可以切成一份份咁配上啲肉，食落都好開胃，雖然係大份，都係越食越有！底仲有大量薯菜，都仲未完！仲要邪惡到有兩塊芝士可以比你夾包食，食法都有得㨂埋！！真係啖啖都充滿口感！之後我地再叫咗一大壺洋甘菊蜜糖茶檸檬，估唔到都個味都調得好好，清得嚟又可以解油，仲要咁壺，慢慢嘆！呢餐真係好滿足。