影片
更多
2021-07-07
56 瀏覽
屯馬線嘅開通，令大家去新界地方其實就更加方便。今日我就趁早咗放工，就專登又嚟咗石門，晚餐有一啲輕柔嘅音樂，令人都放鬆既。次次食最欣賞服務態度，會好貼心咁樣幫你換過一隻新嘅碟，一入到去佢亦都煲滾左啲水俾我哋洗杯杯碟碟。首先，我哋叫咗一個上湯焗龍蝦，特別要提嘅係佢係用澳洲龍蝦，附送伊麵底。一嚟到，就已經芬香撲鼻，佢用咗蔥同埋紫洋蔥去炒，對於我來講用紫洋蔥煮都幾新奇。有圖片可以見到，佢啲龍蝦肉真係好新鮮，而且肉同殼好意就分離，證明係好新鮮，同埋好彈牙。同埋值得一題嘅係，原來用咗紫色洋蔥同埋蔥炒係會令到龍蝦嘅鮮味更突出。因為普通嘅酒樓或者中菜廳佢哋會用芝士去炒，咁就會比較油膩。再講下佢嘅伊麵，本身我見到佢有炒芡汁，以為啲面會黐埋一舊，但點知佢每條分明，好易入口，又香又滑。之後我哋叫咗一個魚香茄子海參煲，呢一道菜簡直係色香味俱全。睇得出大廚為咗突出魚香嘅味，用咗好多配料去炒，例如係洋蔥，辣椒，同埋蔥。見到佢咁香氣撲鼻，我哋就梗係要叫白飯去餸菜！呢道菜海參嘅數量比我想像中多，好似食極都仲有咁哈哈，同茄子嘅比例係差唔多1:1。海參好大牙，好開胃，所以我覺得呢個菜性價比都幾高。佢呢度最出名就係招牌菠蘿
屯馬線嘅開通，令大家去新界地方其實就更加方便。今日我就趁早咗放工，就專登又嚟咗石門，晚餐有一啲輕柔嘅音樂，令人都放鬆既。次次食最欣賞服務態度，會好貼心咁樣幫你換過一隻新嘅碟，一入到去佢亦都煲滾左啲水俾我哋洗杯杯碟碟。
首先，我哋叫咗一個上湯焗龍蝦，特別要提嘅係佢係用澳洲龍蝦，附送伊麵底。一嚟到，就已經芬香撲鼻，佢用咗蔥同埋紫洋蔥去炒，對於我來講用紫洋蔥煮都幾新奇。
有圖片可以見到，佢啲龍蝦肉真係好新鮮，而且肉同殼好意就分離，證明係好新鮮，同埋好彈牙。同埋值得一題嘅係，原來用咗紫色洋蔥同埋蔥炒係會令到龍蝦嘅鮮味更突出。因為普通嘅酒樓或者中菜廳佢哋會用芝士去炒，咁就會比較油膩。
再講下佢嘅伊麵，本身我見到佢有炒芡汁，以為啲面會黐埋一舊，但點知佢每條分明，好易入口，又香又滑。
之後我哋叫咗一個魚香茄子海參煲，呢一道菜簡直係色香味俱全。睇得出大廚為咗突出魚香嘅味，用咗好多配料去炒，例如係洋蔥，辣椒，同埋蔥。見到佢咁香氣撲鼻，我哋就梗係要叫白飯去餸菜！
呢道菜海參嘅數量比我想像中多，好似食極都仲有咁哈哈，同茄子嘅比例係差唔多1:1。海參好大牙，好開胃，所以我覺得呢個菜性價比都幾高。
佢呢度最出名就係招牌菠蘿咕嚕肉。我哋梗係唔執輸叫啦。點知佢嚟到，靚到真係嚇咗一跳。
菠蘿甜，重點係佢嘅咕嚕肉，炸得好鬆脆。就算我哋放咗一陣先食，完全唔會淋晒。我個人認為呢個真係必須要叫！
最後一道菜，就係椒絲腐乳通菜。我個人係非常鍾意食通菜嘅，佢份量好多，搞到我同朋友差啲食唔晒。呢道菜，我覺得好友鑊氣，蒜蓉味好充足，腐乳味亦都調校得啱啱好，唔會過辣。張貼
