定食8 (已結業)

每次行過定食8都會見到大排長龍，所以我只會選擇7點或之前到達，咁就好快可以入到去。 門口註明會在15分鐘內送餐，第一次來的時候，因為其中一份餐等了16分鐘才到，馬上就送了一張免費定食餐劵給我。就快到期，再食多次先。蒲燒鯖魚，一啲都唔鯹，唔錯！比上次點的汁燒牛排好吃，因肉質比較鞋。今次仍是點了特上盛海景丼，$58真的大件夾抵食，蝦同三文魚子都較新鮮，三文魚不過不失啦，但今次的吞拿魚則有點失望，無味，而且有筋，三片裡其中有兩片仍未切開，上次來吃比較新鮮！魚生飯，飯量不多，對女生來說，剛好的份量。男生也不怕會不飽肚，因為這裡設有自助無限供應白飯，味噌湯，椰菜絲，麥茶。呢款黃金魚配炸蝦烏冬都好抵食，以為是炸蝦烏冬配天婦羅，原來炸物下，還有飯呢！兩大件炸魚，炸得外層香脆，魚肉淋滑，炸蛋亦好吃！上次來吃過這裡的酥炸生蠔，新鮮熱辣，外層香脆，內裡多汁，值得推介！