影片
更多
2024-03-19
244 瀏覽
🤩雞煲🤩係我嘅字典入面四季任何時候都可以去食🤭之前湊完個女上興趣班，見到青橋徑有間鋪食雞煲，mark底左，今日過嚟試下先門口壁畫以貓貓🐱為主題，好吸睛以食雞煲鋪頭嚟講，店內好乾淨企理，坐位闊落好坐，絕對係加分位座低嘅時候，店員會畀一碟六格嘅醬料同一樽豉油畀我哋調醬汁，辣椒粒、炸蒜、芫茜、葱粒、蒜蓉，仲有自家製XO醬招牌魔鬼雞煲一開始打算嗌小辣，但係老闆提醒我哋，佢哋嘅雞煲比一般般雞煲嘅辣度辣啲，所以就嗌咗BB辣（下次我可以再試小辣）呢度嘅雞煲係落咗墨西哥辣椒，比起出面嘅指天椒更加辣，又加咗檸檬葉的確會香啲，比起其他雞煲就咁花椒八角更加有層次另外食出有啲甜甜地嘅味道，煮到好濃之後都唔會有普通雞煲越食越鹹雞煲入面另外嘅配料有洋蔥、木耳、荷蘭豆等..最出色係豆卜，好吸汁，吸咗咁多汁都唔會死鹹，而係甜甜地，少少微辣雞件上檯時大約4/5成成熟，會攪一兩次先食得，原來呢個做法會令啲雞好嫩滑！另外店員都會過嚟兩三次幫我哋兜下，服務態度唔錯我地另加左豬皮同鴨舌，豬皮係超入味😍由於主要係食雞煲，之後加湯打邊爐我地只叫左一碟餸珊瑚蚌拼桂花蚌好新鮮嘅珊瑚蚌同桂花蚌，份量好多食極都仲有，口感煙韌彈牙食落又爽又
門口壁畫以貓貓🐱為主題，好吸睛
以食雞煲鋪頭嚟講，店內好乾淨企理，坐位闊落好坐，絕對係加分位
座低嘅時候，店員會畀一碟六格嘅醬料同一樽豉油畀我哋調醬汁，辣椒粒、炸蒜、芫茜、葱粒、蒜蓉，仲有自家製XO醬
招牌魔鬼雞煲
一開始打算嗌小辣，但係老闆提醒我哋，佢哋嘅雞煲比一般般雞煲嘅辣度辣啲，所以就嗌咗BB辣（下次我可以再試小辣）
呢度嘅雞煲係落咗墨西哥辣椒，比起出面嘅指天椒更加辣，又加咗檸檬葉的確會香啲，比起其他雞煲就咁花椒八角更加有層次
另外食出有啲甜甜地嘅味道，煮到好濃之後都唔會有普通雞煲越食越鹹
雞煲入面另外嘅配料有洋蔥、木耳、荷蘭豆等..最出色係豆卜，好吸汁，吸咗咁多汁都唔會死鹹，而係甜甜地，少少微辣
雞件上檯時大約4/5成成熟，會攪一兩次先食得，原來呢個做法會令啲雞好嫩滑！另外店員都會過嚟兩三次幫我哋兜下，服務態度唔錯
我地另加左豬皮同鴨舌，豬皮係超入味😍
由於主要係食雞煲，之後加湯打邊爐我地只叫左一碟餸
珊瑚蚌拼桂花蚌
好新鮮嘅珊瑚蚌同桂花蚌，份量好多食極都仲有，口感煙韌彈牙食落又爽又滋味
仲有點少得冰凍嘅啤酒🍻
再來一煲（好發大廈）（屯門）
屯門青棉徑6號好發大廈地下17-20號舖
張貼
