影片
更多
2020-10-15
1029 瀏覽
今日近近地又要黎屯門發掘下好野食！係井財街當然係多小食店既地方，今次就見到有新開既「木玥巷」！一見到門口就俾佢既裝潢吸引住，簡單既木系裝修配有台式風格，就要入去試一試喇！入面座位都闊落好坐，雖然係小店，但都唔會有太迫既感覺！餐牌都清晰易明，主食都偏向台日風味，仲特別有推介既食品俾你可以試下佢既招牌菜！店員仲會細心介紹下特別既飲品，值得一讚。木玥招牌紅燒牛肉麵 $92牛肉麵大家都食過非常多，當然最出名梗係台灣喇，但係呢碗真心要大家試下，份量恰到好處，唔會食得太多麵又食唔落肉，湯底又唔會太濃搶味，最吸引就係紅燒牛肉，厚底一口咬落去都唔會韌，肉汁豐富又口感十足，再加埋加分既豆卜真係一流既配合！蟹肉明太子炒新竹米粉 $88抱住推介既心情叫左炒米粉果然有驚喜，配料十分多既米粉，炒得乾身之餘每一口食落去都唔會缺少一樣餸，估唔到蟹肉同明太子既口感可以咁夾，加埋幼身既新竹米粉真係食完又想再添食！鹽酥雞 $42小食當然要試下鹽酥雞啦，佢反而有啲唔同台式口味，用一層薄薄外皮包着多汁既雞肉，口感截然不同而且食落又唔會好熱氣，再配埋佢特製嘅甜酸醬加埋一齊真係一個開胃嘅小食！黑糖茉莉冬瓜茶 $38木玥黃金水果茶
一見到門口就俾佢既裝潢吸引住，簡單既木系裝修配有台式風格，就要入去試一試喇！入面座位都闊落好坐，雖然係小店，但都唔會有太迫既感覺！
餐牌都清晰易明，主食都偏向台日風味，仲特別有推介既食品俾你可以試下佢既招牌菜！店員仲會細心介紹下特別既飲品，值得一讚。
木玥招牌紅燒牛肉麵 $92
牛肉麵大家都食過非常多，當然最出名梗係台灣喇，但係呢碗真心要大家試下，份量恰到好處，唔會食得太多麵又食唔落肉，湯底又唔會太濃搶味，最吸引就係紅燒牛肉，厚底一口咬落去都唔會韌，肉汁豐富又口感十足，再加埋加分既豆卜真係一流既配合！
蟹肉明太子炒新竹米粉 $88
抱住推介既心情叫左炒米粉果然有驚喜，配料十分多既米粉，炒得乾身之餘每一口食落去都唔會缺少一樣餸，估唔到蟹肉同明太子既口感可以咁夾，加埋幼身既新竹米粉真係食完又想再添食！
鹽酥雞 $42
小食當然要試下鹽酥雞啦，佢反而有啲唔同台式口味，用一層薄薄外皮包着多汁既雞肉，口感截然不同而且食落又唔會好熱氣，再配埋佢特製嘅甜酸醬加埋一齊真係一個開胃嘅小食！
黑糖茉莉冬瓜茶 $38
木玥黃金水果茶 $42
雖然平平無奇嘅冬瓜茶，但係飲落去有淡淡的茉莉帶有黑糖嘅甜味，雖然有少少偏甜但係有冬瓜茶溝番都十分消暑解渴！
經過店員嘅推介我最後都揀咗水果茶，佢係菠蘿加西柚嘅水果茶，嚟到嘅時候真係好愕然因為好大杯，佢嘅賣相十分之靚，真係打卡首選！每一樣生果都配合得好好，唔會好似其他水果茶咁配合會有苦澀味！加埋佢嘅份量佢哋賣相係值得大家一試！
張貼
