影片
更多
2015-12-27
870 瀏覽
小學雞朋友住大圍，雖然對於我呢個住九龍既朋友黎講，遠就遠左少少，但係為左就朋友，約會自然離不開大圍。上網見到屋邨入面有一間韓國餐廳咁多人話好食，一於試下！當我走入屋邨完全唔會想像到有咁特色既餐廳，當然，行到入嚟遠遠已經比佢吸引到我既目光！ 呢度既裝修同一貫韓國餐廳一樣自成一格！ 餐牌多元化，各種韓式食物飲料。兩個人食左以下既野食： 韓國前菜+紫菜湯，泡菜同芽菜自己一向都係麻麻地，反而紫菜湯有驚喜。因為好少韓國餐廳前菜跟埋紫菜湯，而且入口清清地，用料充足，好多紫菜，誠意十足！ 清河醉雞翼，用上韓國酒，唔會"太醉"，雞翼大大隻，醃得夠入味！ 醬醃莞島鮑魚，鮑魚係蒸熟後，再以醬油同20種配料醃製，食既時候有配上醬油蟹汁，鮑魚夠爽，而且貼心地切片，方便進食！ 韓式大蔥蜜糖炸雞，雞好滑，唔厚粉，配上蜜糖，唔會話好"炸"！仲有洋蔥絲伴碟，連埋一齊食仲好食。 亞之媽街頭炒豬什錦，店員會主動協助炒豬什錦，食客就可以坐定定等食，服務一流！豬什錦足料，豬腸，豬粉腸，豬腩片，魚片，粉絲等等。煮完個鍋既辣味可以蓋過部份豬內臟既"蘇"味，佢既辣唔會話辣到食唔到，好野味！ Sister炒飯，用剛剛食到剩番四分一
小學雞朋友住大圍，雖然對於我呢個住九龍既朋友黎講，遠就遠左少少，但係為左就朋友，約會自然離不開大圍。上網見到屋邨入面有一間韓國餐廳咁多人話好食，一於試下！當我走入屋邨完全唔會想像到有咁特色既餐廳，當然，行到入嚟遠遠已經比佢吸引到我既目光！
呢度既裝修同一貫韓國餐廳一樣自成一格！
餐牌多元化，各種韓式食物飲料。兩個人食左以下既野食：
韓國前菜+紫菜湯，泡菜同芽菜自己一向都係麻麻地，反而紫菜湯有驚喜。因為好少韓國餐廳前菜跟埋紫菜湯，而且入口清清地，用料充足，好多紫菜，誠意十足！
清河醉雞翼，用上韓國酒，唔會"太醉"，雞翼大大隻，醃得夠入味！
醬醃莞島鮑魚，鮑魚係蒸熟後，再以醬油同20種配料醃製，食既時候有配上醬油蟹汁，鮑魚夠爽，而且貼心地切片，方便進食！
韓式大蔥蜜糖炸雞，雞好滑，唔厚粉，配上蜜糖，唔會話好"炸"！仲有洋蔥絲伴碟，連埋一齊食仲好食。
亞之媽街頭炒豬什錦，店員會主動協助炒豬什錦，食客就可以坐定定等食，服務一流！豬什錦足料，豬腸，豬粉腸，豬腩片，魚片，粉絲等等。煮完個鍋既辣味可以蓋過部份豬內臟既"蘇"味，佢既辣唔會話辣到食唔到，好野味！
Sister炒飯，用剛剛食到剩番四分一既豬什錦加上飯，紫菜，芝士同蛋炒。店是員又一次協助去炒，炒出嚟好香紫菜味，飯因為落左芝士去炒，好黏，仲見到一條條芝士絲。
忌廉插柚子沙冰，味道清清地帶柚子味，而且仲有柚子肉，好味！
韓國菠蘿冰，原隻菠蘿大大個，外形吸引，菠蘿汁唔酸帶少甜，睇得又飲得！
小學雞朋友都話呢度有咁好食既韓國餐廳真係超水準，第時應該係我地約會既飯堂 =P
張貼
