AVA Restaurant Slash Bar (已結業)

我朋友好叻叻咁響尖沙咀搵到一間舒服嘅海景餐廳。今日星期三，餐廳做緊海陸大餐，即係可以一次嘆齊牛扒同海鮮。餐牌上有7款牛扒，有常見嘅肉眼、西冷、牛柳等，海鮮就有生蠔，虎蝦、帶子同青口。仲要5款前菜3款沙律同凍肉任食，真心豐富。先點了半打生蠔，大大隻，非常鮮甜。3個女仔share 2份牛扒，好滿足。Medium rare 美國肉眼扒煎得剛好，肉汁豐富，肉味濃郁，肉質嫩滑。而medium澳洲和牛肉眼扒確實大份，建議一同分享，牛扒煎得恰好，保持肉汁，油脂充足，肉質腍滑。值得一讚，藍梅慕絲蛋糕造型精美，味道甜酸混和，不會太膩。餐廳面向無敵海景，人不算太多，閨蜜聚會傾計一流。