影片
更多
2022-11-30
178 瀏覽
《SAKEH - 尖沙咀》星期日同朋友去慶祝生日，朋友好鍾意飲酒，所以我搵左幾間有得飲酒嘅餐廳，諗住等佢可以暢飲一番😂當日由中午12點去唔同嘅餐廳食到夜晚10點🤣都唔知食咗幾多餐啦😆不過晏晝果一餐環境同食物都唔錯，仲有得任飲清酒，人均五百零蚊左右，可以推介一下💁🏻♀️餐廳係間居酒屋，有卡位亦都有窗口位可以坐，附近環境清幽，唔使同人迫，我哋當日每人叫咗周末Lunch Set $388 同埋加錢join左清酒任飲 $188，可以任飲兩個鐘咩都夠啦😏個lunch set每人可以揀一款前菜、五串串燒、一份主食同埋甜品，基本上我哋都係叫唔同嘢一齊share食前菜 💁🏻♀️螢光魷魚芝士 其實我平時好少食螢光魷魚，試過一次勁腥就怕怕😱不過朋友話想試咪陪吓佢，呢一款可能醃製過，感覺上冇咁大味道，不過佢係滑潺潺嘅質感，我就一般啦，但朋友都幾鍾意😉如果配埋個芝士一齊食嘅話味道係可以既💁🏻♀️鮟鱇魚肝我一直都好想試吓鮟鱇魚肝，有啲人好鍾意但係有啲人有話一般，我就從未食過既，但係覺得呢間餐廳嘅鮟鱇魚肝處理得幾好，最少食落去完全唔會有魚腥味，佢底下嘅汁酸味味幾開胃，有少少似食鵝肝醬👍🏻同埋飲住酒食別有一番風味串
星期日同朋友去慶祝生日，朋友好鍾意飲酒，所以我搵左幾間有得飲酒嘅餐廳，諗住等佢可以暢飲一番😂當日由中午12點去唔同嘅餐廳食到夜晚10點🤣都唔知食咗幾多餐啦😆不過晏晝果一餐環境同食物都唔錯，仲有得任飲清酒，人均五百零蚊左右，可以推介一下💁🏻♀️餐廳係間居酒屋，有卡位亦都有窗口位可以坐，附近環境清幽，唔使同人迫，我哋當日每人叫咗周末Lunch Set $388 同埋加錢join左清酒任飲 $188，可以任飲兩個鐘咩都夠啦😏個lunch set每人可以揀一款前菜、五串串燒、一份主食同埋甜品，基本上我哋都係叫唔同嘢一齊share食
前菜 💁🏻♀️螢光魷魚芝士
其實我平時好少食螢光魷魚，試過一次勁腥就怕怕😱不過朋友話想試咪陪吓佢，呢一款可能醃製過，感覺上冇咁大味道，不過佢係滑潺潺嘅質感，我就一般啦，但朋友都幾鍾意😉如果配埋個芝士一齊食嘅話味道係可以既💁🏻♀️鮟鱇魚肝
我一直都好想試吓鮟鱇魚肝，有啲人好鍾意但係有啲人有話一般，我就從未食過既，但係覺得呢間餐廳嘅鮟鱇魚肝處理得幾好，最少食落去完全唔會有魚腥味，佢底下嘅汁酸味味幾開胃，有少少似食鵝肝醬👍🏻同埋飲住酒食別有一番風味串燒
💁🏻♀️荔枝豬肉卷
我同朋友都各自叫咗一串，鹹香嘅豬肉配上甜絲絲嘅荔枝肉，其實個味道好夾，特別係燒過之後嘅荔枝甜度更加提升咗，又咸又甜好滋味💁🏻♀️自家制免治雞肉軟骨
又撞款添，我同朋友都各自叫咗一串，好鍾意免治雞肉軟骨入面有好有口感嘅軟骨醉，記住點埋佢個蛋黃汁👍🏻個汁好味到想用嚟點埋其他嘢食💁🏻♀️雞皮
雞皮脆卜卜，真係好似食緊薯片咁，但又一啲都唔肥膩，早啲叫多串啦💁🏻♀️雞皮紫蘇蝦卷
呢件得我一個人食，因為朋友唔鍾意食紫蘇葉，但我又好鍾意咼，雞皮包住左蝦，令到個蝦充滿油份，食落好juicy而又透到陣陣紫蘇葉既清香，幾好味
💁🏻♀️蔥雞
朋友點既蔥雞我就反而一般，始終大蔥既味道較濃烈，不過咬落算幾甜既，同雞肉味道都幾合拍，朋友一個人幾乎食曬，睇黎佢幾滿意喎😆💁🏻♀️汁燒牛肋
牛肋肉個肉質唔會太韌，咬落有肉汁，外皮燒得微焦但有炭香味，下次都可以encore
💁🏻♀️白鱔
燒白鱔個皮好脆身唔會有骨，可以一啖咬落去啖啖肉，唯一不足係份量太少啦😚唔夠分
💁🏻♀️雞腎
雞腎口感爽脆爽口，基本上已經調好曬味唔洗點任何醬汁，我地無揀錯既
主食
💁🏻♀️燒飯團
燒飯團入面無配料的，不過個飯團面塗滿左醬汁再燒脆，味道濃郁而又有飯焦味，配醃蘿蔔食都幾好味💁🏻♀️熱稻庭烏冬
朋友既雞湯熱烏冬係幼麵黎既，食落好滑身，其實飲左咁多清酒🍶再食番啲熱湯係真係好舒服架甜品
💁🏻♀️日東卷蛋
食到尾都真係好滿足，再加埋甜甜就真係無得彈啦，我同朋友各要左一款甜品share，卷蛋味道唔太甜好易入口，奶油味重，一人一件剛剛好💁🏻♀️紅豆白玉
紅豆相對黎講較甜，一定要夾埋白玉一齊食先中和到，入面仲有綠茶蕨餅，香甜軟糯都幾好味，配埋清酒，絕對清得上滿足呀
張貼
