影片
更多
2023-10-07
258 瀏覽
由Hama Sushi進軍香港以嚟，好多人都會將佢同壽司郎比較，呢篇都會咁做，所以以下評價都係比較兩間而得出😌 唔知食過兩間嘅大家又會覺得邊間好啲呢？🤣首先，分別講下整體有咩好👍🏻同唔好👎🏻～ 之後就會分食物/壽司種類嚟再比較～👍🏻 款式：Hama sushi 嘅壽司、魚生、熟食都比較多，就算同一種食材都有多幾款口味👍🏻 炸物：幾出色，唔會好油，同有啲特別款，例如：炸雞胸軟骨、芝士薯餅👍🏻 環境/座位：吧台位係一人一部tablet，中間無任何隔板，所以入座彈性大啲，而餐具用品都收晒落櫃桶，枱面就有多啲空間擺食物！👎🏻 壽司飯：Hama sushi嘅壽司飯好鬆散，要完整地夾起都有難度👎🏻 份量：壽司相對細件少少👎🏻 環境/座位：4人卡位比較窄，餐具/豉油全部放枱面中間，都幾佔位•🍽️ 帆立貝🥢 北海道大生帆立貝 $22/件 🌟🥢 炙燒鹽味檸檬北海道生帆立貝 $22/件 🌟帆立貝係mvp🏆 件件都勁厚肉，比壽司郎嘅更加厚肉，食落大滿足😍 火炙嗰件有啲檸檬汁同鹽調味，帶出帆立貝嘅鮮甜，比生帆立貝更有驚喜！仲要兩款都同價！•🍽️ 吞拿魚🥢 特選藍鰭吞拿魚大拖羅 $22/件 🌟🥢 三文魚籽特選藍鰭吞
首先，分別講下整體有咩好👍🏻同唔好👎🏻～ 之後就會分食物/壽司種類嚟再比較～
👍🏻 款式：Hama sushi 嘅壽司、魚生、熟食都比較多，就算同一種食材都有多幾款口味
👍🏻 炸物：幾出色，唔會好油，同有啲特別款，例如：炸雞胸軟骨、芝士薯餅
👍🏻 環境/座位：吧台位係一人一部tablet，中間無任何隔板，所以入座彈性大啲，而餐具用品都收晒落櫃桶，枱面就有多啲空間擺食物！
👎🏻 壽司飯：Hama sushi嘅壽司飯好鬆散，要完整地夾起都有難度
👎🏻 份量：壽司相對細件少少
👎🏻 環境/座位：4人卡位比較窄，餐具/豉油全部放枱面中間，都幾佔位
•
🍽️ 帆立貝
🥢 北海道大生帆立貝 $22/件 🌟
🥢 炙燒鹽味檸檬北海道生帆立貝 $22/件 🌟
帆立貝係mvp🏆 件件都勁厚肉，比壽司郎嘅更加厚肉，食落大滿足😍 火炙嗰件有啲檸檬汁同鹽調味，帶出帆立貝嘅鮮甜，比生帆立貝更有驚喜！仲要兩款都同價！
•
🍽️ 吞拿魚
🥢 特選藍鰭吞拿魚大拖羅 $22/件 🌟
🥢 三文魚籽特選藍鰭吞拿魚中拖羅 $22/件
🥢 吞拿魚富士山軍艦 $22/2件
🥢 吞拿魚三味 $17/3件
大拖羅都幾厚切，食落口感軟滑，一啲筋都無，帶點入口即溶嘅感覺，魚油味喺口入面爆發，好濃郁🤩
中拖羅就非常一般，因為有筋，加咗三文魚籽，唔太食到拖羅嘅油香～ 反而吞拿魚富士山軍艦仲好食同抵食啲！啲吞拿魚粒堆到成座山咁高🤣不過軍艦嘅紫茶就腍晒，又扣返啲分😬
而吞拿魚三味有其中兩件赤身好相似，正常貨色～
•
🍽️ 蝦類
🥢 炙燒鹽味檸檬特大天然赤蝦 $17/件 🌟
🥢 三文魚籽特大天然赤蝦 $22/件 🌟
🥢 香辣京蔥絲特大天然赤蝦 $17/件
🥢 火炙半熟蝦 $12/2件
赤蝦的確好大隻好厚肉，甘甜嫩滑，生食嘅話，簡單配埋鹹香嘅三文魚籽就已經好好食，香辣京蔥嗰款就蓋過咗赤蝦本身嘅味🫨～
•
🍽️ 蟹類
🥢 松葉蟹肉蟹膏軍艦 $17/2件
🥢 大松葉蟹腳 $22/件
「大」松葉蟹腳就完全圖文不符😥 隻蟹腳幼到遮唔住下面嚿飯，食落亦都無乜蟹味/鮮味🫣
•
🍽️ 牛類
🥢 香辣京蔥絲醬燒牛肉 $12/件
🥢 HAMA醬燒牛肉 $12/件 🌟
濃味之選，牛肉好入味，而且唔會好柴，不過香辣味就有啲多咗，味道偏辣，辣油多到仲浸晒啲飯😅
•
🍽️ 其他壽司類
🥢 炙燒鹽味柚子鰈魚裙邊 $12/2件 🌟
油香濃郁
🥢 海膽軍艦 $22
份量好少，唔算好鮮甜但無乜腥味～
🥢 炙燒芝士沙律醬廣島縣大蠔 $17/件
🥢 多春魚籽軍艦 $12/2件
•
🍽️ 炸物類
🥢 HAMA 天婦羅拼盤 $27
有2隻幼身嘅蝦、1粒對半切開嘅菇、2塊南瓜片同1條秋葵，表面乾爽唔油，炸得幾脆👍🏻
🥢 北海道芝士薯餅 $17
薯蓉細滑，芝士味濃郁，帶點鹹香
🥢 炸雞胸軟骨 $12 🌟
雞胸軟骨係長型啲嘅，比普通食開嘅粒粒雞軟骨更加脆口，而且炸衣比例低啲，食落唔會淨係食緊炸粉咁🤣
🥢 炸雞 👎🏻
炸皮厚而且幾油膩
•
🍽️ 甜品類
🥢 抹茶雪糕 $17 🌟
抹茶味道濃郁，帶輕微茶甘味，整體唔會好甜👍🏻
🥢 雲呢拿雪糕 $17
🥢 和風芭菲 $29
🥢 北海道千層蛋糕 $22
張貼
