はま寿司

我第一次去 HAMA SUSHI，入到去環境唔錯，壽司選擇算多， 落order後壽司好快到枱，壽司份量ok， 味道唔錯， 啲魚都夠新鮮， 我特別鍾意三文魚大切，好正！食得出佢啲炸物全部都係即炸，夠脆口，好好味，整體不錯👍🏻…查看更多

首先，即日經open rice 訂咗位平日18:30，去到竟然大把位，可walk-in。到食完岀番黎19:30係要等位嘅。一黎叫左：鹿兒島縣5級黑牛，秒速上，但係佢照騙嚴重，真係嚇親，塊牛似啱啱急凍櫃拎岀黎，係生定熟定半生熟，我分唔岀，顏色係瘀血色，d肥膏位就係凍左嘅脂肪樣。即刻叫職員黎，取消個item,真係放唔入口。:(開咗個壞頭之後，燒津產鰹魚腩，都無眼睇，絕對唔係圖片咁樣，不過都放到入口。之後驚左，叫熱食食下先，薯條好幼，即炸，$12，可以。金目鯛，一早叫左，果刻無期望已經。豚骨拉麵$36，唔錯！之後挑戰炙燒項目，上到黎發現佢真係燒得好求其，勉強叫做搵到燒過痕跡試試佢個燒鵝肝壽司，唔識形容，比係壽司郎食到我lamlam 脷嘅版本，我完全唔知自己食緊咩之後決定見到人哋果d個樣正常我先點，三文魚安全，仲有見到油甘魚係靚嘅，ok!仲有一樣野，佢個顯示器，提大家睇多幾版先好禁果樣野食。例如，叫左炸鰈魚壽司，開心嘅，點完先發現下一版係他他醬配鰈魚壽司姐係我點左果隻無醬。如果壽司郎等得耐，你又想食類似，都可以去嘅。不過我就寧願搵其他野食都唔再食佢啦。…查看更多

平日放飯時間搵位食飯是難題，估唔到在放午飯的時間喺呢間迴轉壽司店居然能輕鬆搵到位。我點了炙燒鹽味檸檬北海道燒生帆立貝壽司（一件）、鹽燒生蝦壽司（一件）、大切生三文魚腩壽司（一件）、蟹柳壽司（一件）、吞拿魚壽司（三件），共五碟壽司，另加一碗鴨肉丸和鴨肉烏冬，埋單連加一共$125。點餐後送食物速度快，食物很快便到齊。食物質素正正常常，不高質，不難食，值得讚的是壽司飯可選減半，圖中的蟹柳壽司飯量便是減半後的模樣。鴨肉烏冬不是壽司店常有的選項，試一試無妨，幾好味😀午飯唔想同人迫住lunch，可考慮呢間！…查看更多

はま寿司 想不到爭鮮的價錢那麼親民，還以為它很不親民，會有點失望，還擔心食物質素實在麻麻，誤以為元氣壽司明顯比較好，壽司郎和爭鮮都好，但結果令人喜出望外。這裡基於堂食，所以收費會貴一點點，是很合理的事，實在值得，因為座位很舒服，地方又不窄，卡位又多，又讓我們座二人卡位，甚至快打烊時都繼續接待客人，待人又親切，位置很充足，店員深懂變通處理，值得收加一，跟外賣是另一個不同體驗，感覺更好。難怪很多人去，消費者果然都是精明的，懂得選好的店…查看更多

今日經朋友介紹 嚟到hama sushi, 壽司有好多種類揀, 大部分都係12至17蚊， 其中三文魚腩兩食都係12蚊， 玉子蛋又夠大塊， 鴨肉蕎麥麵個湯夠香 芝士年糕咬落去一下爆漿， 中拖羅魚蓉2件都係$17, 而且好嘅地方飯唔會太多， 刺身夠厚， 豉油仲有五隻款式可以揀， 我揀咗隻濃厚少少嘅 ，之後抹茶wasabi任用任飲， 有一個鐘頭用餐時間， 埋單都只係$77蚊，真心抵， 值得推介， 不過可能比較多人，要等位或者早啲book定，下次會再去…查看更多

去開佐敦，天氣熱熱就心思思想食壽司啦🍣你知我知單眼佬都知，就算壽司郎開到十八區都有分店，依然係間間都咁多人，醫肚心切，咁我就決定去近近地，而冇咁多人排隊嘅Hama Sushi啦🍣當晚係星期六夜晚六點半，等咗大概半個鐘左右就已經有得入咗，店員提醒用餐時間一小時⏰一個鐘就梗係速戰速決啦，一坐低就即刻㩒pad落order，諗住等佢上枱時先慢慢斟茶倒豉油，結果我撳完第一碟帆立貝壽司，準備撳第二碟時，碟帆立貝已經送到我面前啦！Hama出餐速度真係非常之驚人🚀壽司種類非常之多，而且會定期轉menu，所以我就揀自己特別鍾意嘅嚟講下啦🪿炙燒香滑鵝肝壽司（$17）試完hama之後，對於鵝肝壽司我已經由郎哥轉會嚟呢度喇！雖然鵝肝比較細塊同薄身，但鵝肝味濃得多！17蚊呢個價錢真係冇嘢好投訴，仲唔會成日斷貨😆🗻吞拿魚富士山軍艦（$22）富士山軍艦系列從來都係冇得輸🗻之前試咗三文魚cp值高，試埋吞拿魚一樣咁掂！疊到成座富士山咁高嘅吞拿魚碎，加幾粒三文魚子，都係22蚊咋！呢個影相效果ichiban，記得叫你打卡，好食又好睇🗻🗻🗻壽司方面主要都係走cp值路線，最主要都係睇嗰期嘅menu啱唔啱口味啦，接下來分享一下炸物🍤🐥炸雞胸軟骨（$12）即叫即炸所以等咗啲時間，送到面前時係熱辣辣㗎！仲有大大舊檸檬🍋12蚊有四件嚟講都幾大件，最好唔好太心急食佢，因為真係會辣親條脷㗎（過來人的經驗👅）佢哋啲炸物好日式，雞軟骨連咗少少雞肉，有軟骨嘅口感之餘又有肉食，所以好好味！呢個絕對係必叫之選！🐟炸竹筴魚配置同上面嘅雞軟骨一樣，不過呢個食落好似快餐店早餐嘅炸魚柳咁，但小心有骨。食咗咁多嘢係時候要嚟個甜品埋尾啦🍨🍰🍮🍰北海道千層蛋糕（$22）啲cream有北海道牛乳嘅獨特味道！濃郁而美味，整個蛋糕質地都柔軟，比想像中出色🍫朱古力芭菲（$29）雖然個芭菲主題係朱古力，但我覺得個重點係雪糕！奶味好濃好好食，同其他粟米片、朱古力蛋糕等等嘅配料都好夾…查看更多

聽說有一間聞為壽司郎對手, 見交通咁方便就去試下。門面外觀都算整潔, 座位亦都是迴轉位, 人流不算太多, 所以坐低食都舒服。基本點了標準三文魚壽司, 同樣都市$12蚊, 但相比起壽司郎就略遜信一籌, 反而佢地有個大切三文魚壽司$17蚊, 呢個口感反而好新鮮, 之後我都淨係只點大切款式, 大切當中仲包括有吞拿魚腩, 同樣亦都相對新鮮, 之後亦點了赤貝、原粒帆立貝壽司及海膽壽司, 味道同壽司郎不相伯仲。反而呢度拉麵頗為多款, 我都點了一碗豚肉拉麵$29蚊, 湯底都唔錯, 麵條又夠煙韌。餐牌與壽司郎相比, 大家都不相伯仲, 款式大家都多, 不是每款味道相同, 大家都可以一試嘅。…查看更多

はま寿司 Hama Sushi 佐敦 🍣 又一間壽司店挑戰壽司郎！食完後仍有進步空間，好多地方做得幾好👍，都算新鮮飯偏細件 ✅本人較推薦： 鱈魚白子 炸蝦天婦羅 海膽軍艦🤝下次會試：手卷類 帆立貝 章魚燒 📍輪侯時間短🕣: 20分鐘入座 📍食物款式多元化🔠: 有手卷 丸子 茶飲 拉麵，🫙 佢有更多選擇(醬油有5款 以日本唔同城市命名 分別係偏甜/偏咸/昆布味/柚子味/特製） 📍座位寬闊舒服💺: 有卡位同bar枱夠闊落↔️ cusion櫈好好坐 #hongkong #hongkongfoodie #hkfoodie #foodie #hk #food #yummy #hkig #ig #eater #eat #hkeater #photo #delicious #deliciousfood #hamasushi #jordan…查看更多

📍環境 & 地理位置：又一間日本過江龍迴轉壽司店，呢間坐落佐敦，搭港鐵一出站行3分鐘就到，超方便！不過午市同晚市例牌要排長龍，試過平日下晝2點幾都要等20張飛，建議用app book定先。舖頭裝修走簡約和風路線，卡位算闊落，但輸送帶位略嫌窄左啲。另外仲有個小貼士：店內冷氣超勁，怕凍嘅記得帶多件外套！ 1. 帶子壽司：北海道直送嘅帶子行厚切風格，都可以遮住成舊飯，咬落算鮮甜喇！點少少九州風刺身醬油，都帶到帶子嘅甜味嘅，連鎖野嚟講合格。2. 吞拿魚壽司：上到枱仲有少少冰渣，明顯係未解好凍就出貨，睇返都唔少人有同樣情況。其實你太多客解唔切，一開鋪預唔啱數都合理，但都開左咁耐點解唔可以預返人流解凍解返好先serve？😂3. 蠔壽司：期間限定嘅廣島蠔壽司反而有驚喜！本身預左連鎖壽司食蠔一定腥硬，純粹抱住試伏心態，結果又無乜野，鮮味就預左無乜，但叫做過得去👌🏻 ⚠️注意位：- 繁忙時段限時60分鐘，想慢慢食建議避開peak hour - 部分壽司碟邊有水定唔知油漬，拎碟前記得檢查下先用其他野食不過不失啦，比大家自行睇圖決定，成日encore我就唔會揀啦老實講😂…查看更多

之前食過將軍澳店，今日想encore就揀左黎佐敦分店，7點幾去到已經企滿左好多人等位，好在同伴一早拎左飛壽司既款式選擇都幾多，但唔知點解白身魚好多都sold out了Hama suchi既茶碗蒸質量真係幾好，呢個滿滿蜆肉茶碗蒸真係食落啖啖都有蜆肉，起碼有20隻以上，推薦！呢個栗子brownie都好香濃但佐敦分店既衛生情況認真麻麻地，有幾碟壽司上到黎隻碟係有d食物既污漬同油油地，嗌左個壽喜燒牛壽司，塊牛係突左出黎hi到條輸送帶，另外嗌左個toro壽司，兩舊toro係冰的，完全未解凍呢間分店真係要重視一下呢個問題，因為上次係將軍澳分店體驗好好多😅…查看更多

收到YT，食評家馬家猫提示，此店寿司質素強差人意可以不食，但其他食品，例如炸物及甜品水準就超得，嘅然收到名氣食評家提示，所以揾食肥華和靚媽在3月1O日，光顧此店時就一件寿司都冇食到，衹喺柯打咗兩碗烏冬與天掃羅及甜品KOL馬家猫所言非虚，今日肥華在此店食到嘅三個甜品，北海道千層蛋糕，和風粟子蒙布朗，和風芭菲都喺值得肥華俾A級評分嘅食品。而個兩碗牛肉及腐皮烏冬，食材亦喺A級評語，可惜個湯底超咸，連肥華呢個重口味人仕，都要對呢兩碗超咸烏冬湯底舉手投降。反之嗰客有炸蝦，炸冬菇，炸南瓜，炸秋葵，嘅天掃羅拼盆又喺B級評分食品，相比之下嗰碟炸墨魚咀就衹得C級評分。⭐️⭐️⭐️⭐️👍🏻👍🏻👍🏻👍🏻…查看更多

用OR預約時無提及朋友去到入座時店員提醒人齊入座起計一小時用餐各人都覺得有D趕於是放棄大家都認為90分鐘都還可以接受但係一個鐘就真係有D那個希望預約時可註明以上限時以免日後浪費大家時間…查看更多

見出佐敦 想又未試過呢間 就決定試下啦上網book左位，到餐廳時有show booking , 職員就只問我電話號碼 都無望過我😑俾完枱號我自己行入去後 基本操作自己來的。食物方面 點左三文魚 鰻魚 鵝肝壽司果d , 上餐算快的，食物賣上比圖睇好奀， 三文魚薄到冇得再薄、鰻魚壽司就一點都吾鬆軟 係硬的、鵝肝方面因為鍾意食 點左4次 一次比一次吾好食😓 重有蔥吞拿魚蓉軍艦 無咩魚味 其他都吾記得了😓 另外 炸物方面 上餐時feel到應該有炸返熱的 炸雞點左4舊 咸到放底左😓 炸雞胸骨第一碟正常味道 再點第二碟就變左又細舊又凍😖😖整體來講 試過後 會選返另一間壽司店好過🙈事後 收到open rice通知 表示我缺席，好在有影低收據🤯…查看更多

最近吃了兩次，一次在佐敦店，另一次到開了不太久的將軍澳店，感覺是佐敦店比剛開業時，有了進步，走向接近壽司郎的水準，而將軍澳店好像食物是一般般的。   二重奏大切吞拿魚中拖羅上次在將軍澳分店，吃了$17單片的中拖羅，感覺一般，這次是兩片，而且比較厚身的，賣相差，但入口卻很肥美。  吞拿魚三味（赤身，長鰭吞拿魚，吞拿魚蓉）赤身和長鰭吞拿魚一般，吞拿魚蓉明顯比較好吃的。  咖啡果凍配雲呢拿雪糕雲呢拿雪糕於半溶狀態時 ，比較香滑。  松葉蟹禾風芡汁茶碗蒸比一般的茶碗蒸多一點材料。  炙燒香滑鵝肝比較薄身的鵝肝，沒有甚麼口感，明顯地，壽司郎的炙燒焦糖鵝肝比較好吃。  佐賀牛在燒肉店吃的佐賀牛美味好吃，但這樣以壽司形式吃就不覺得甚麼了。   香蔥吞拿魚蓉軍艦好吃的，但對比在東京秋葉原分店吃的，那裏的更棉滑。…查看更多

去到佐敦諗緊食壽司呢條街有Hama 壽司對面街就係壽司郎啦本身諗住壽司郎有三文魚壽司特價想幫襯吓但諗諗吓，Hama 壽司冇分店一於幫襯吓呢一間壽司舖先星期六下晝去以為要排隊點知有一半位都係吉嘅上菜超級快同埋佢個點菜位係已經寫到明嗰總金額係幾多方便有budget嘅人士叫嘢食我好鍾意佢啲壽司飯Size比較細但係佢好香同埋感覺上係有啲油（which I like it very much)佢自己寫到明三文魚同埋吞拿魚喺日本運到返嚟香港先至會切，識落真係非常之新鮮…查看更多