古今二 (The ONE)

營業中

休息中

呢排想食居洒屋，突然醒起有間人氣店開咗係尖沙咀，古今二呢個名就聽咗好耐，但係一直都未得閒試，既然今日早咗少少收工，就黎個快閃晚餐。餐廳門面唔起眼，但係坐低咗，就發現個深藍色日系工業風裝修好靚。我勁鐘意食燒魚，但係屋企自己整又嫌麻煩，一定唔會自己整，所以每次係餐廳見到鹽燒三文魚頭鮫都必點😍 大大舊，香口之餘又唔油膩，超好食，仲好夠飽肚💯 卷物好多創意款色，呢次揀咗蜘蛛，其實係軟殼蟹、青瓜、牛油果同蟹柳，樣樣都係我鍾意食嘅，加埋梗係好好食啦👍椒鹽雞腎都燒得好好，最欣賞都係佢切到個size啱啱好，唔會太細件，亦都唔會大到要用牙齒始開，正！最後諗住叫多個刺身沙律，冇諗過原來會咁大碟，食到一半我已經太飽！