PAN de PAIN Pancake & Sweets (K11購物藝術館)

營業中

休息中

呢間日本有名的pancake店開左咁耐一直都大排長龍。雖然成日都想食，但就係唔想排隊，呢日食完dinner朋友話想試下呢間人氣極高既pancake店，就去左睇一睇人多唔多啦，大概有15個人等緊位，唔算太多人，預計等20分鐘就有位，咁就試下等啦。店員想你快d讓返個位出黎，係排緊隊既時間就會叫你落左單先，坐低就直接等野食就得啦~叫左個snow white ，好似係推薦既menu，個source係milk+cream 唔算太甜，個配搭好味！呢個都係menu推薦既士多啤莉pancake，比起snow white 就比較普通，多cream，唔係好夠味，一般般啦。最後就係近期有名既梳乎里pancake，但呢個真係幾令人失望下，空氣感不足，可能係原味，就咁食都真係無乜味，葵廣40蚊果d感覺仲好d...嗯 今次唔洗排好耐都叫okay既，但如果要排隊 呢個價錢 唔會值得我再排再食既。