ChumChum味 (已結業)

變哂喇。如果你以前去開呢間餐廳，係因為佢份量夠味道好，全店內外工作嘅都係韓國人而嚟嘅話，或者你之後要重新考慮吓先好去喇。昨晚去到店內無咩人，平時明明唔book位得bar 檯坐，昨晚講緊一行五人walk-in都可以畀張八人檯你你就知，佢地無咩客。店內外連水吧廚房都轉哂少數族裔朋友嚟服務你，雖然餐牌同價錢不變，但食物味道、質感、賣相全部變哂。明明叫番之前食過三次都覺得好食嘅牛肉Gimbap，今次碟嘢嚟到可以用「鬆散無味堆埋一碟」嚟形容。前菜亦由六碟變四碟，而且其中一碟係沙津醬溝三色豆啲friend，我見到嗰刻都呆一呆。總之一句，如果你以前去過想再去嘅話，當新餐廳咁去好喇，你唔會再聽到啲待應用韓文溝通，成間餐廳只有電視播住嘅韓文MV先似韓國嘢。