Burgeroom (美麗華廣場1期)

營業中

休息中

呢間係尖沙咀既漢堡包專門店都唔錯，環境舒服，所有漢堡包同薯條等等都係即叫即整，好新鮮。 我地上次叫左一份牛油果芝士薯條，一份黑松露芝士薯條，黑松露勁夾芝士，薯條啱啱炸起勁脆身，牛油果薯條就好清新，牛油果正好中和返芝士既膩感。重頭戲既軟殼蟹漢堡真係超正，蟹既鮮味好出，連蟹膏都有。殼炸得好夠脆，唔會太冧。至於另一個鵝肝炸魚漢堡又係傑作。鵝肝入口即溶又唔會太腥，好香。而個炸魚食得出有海既鮮味，唔係死魚。成個set真係好正，好值得一試。炸雞翼同個芥末汁又係超夾，又香又脆，炸得岩岩好，唔會太膩。回頭度超高既一間漢堡專門店。