影片
更多
2021-04-25
160 瀏覽
同朋友慶祝生日嘅一餐晚飯，俾個店員破壞晒氣氛。首先，我哋嗌左一個A餐大啡菇意大利飯、墨魚咀沙律、蟹膏意大利麵、豬肋骨。結果嚟咗兩個大啡菇嘅意大利飯。於是同店員講是否落錯單，該店員表示已經同你地覆咗單，話我哋明明係點左兩個大啡菇意大利飯。其實我諗可能大家都有責任，因為店員覆單時，係講A餐 大啡菇，而最後上咗兩個餐，一個係a餐嘅大啡菇，一個係main course嘅大啡菇。店員覆單時，亦冇讀晒所有餐嘅全名，咁我哋當然以為佢係講緊只係a餐嘅大啡菇。最後，店員堅持唔會退返個餐，即使朋友講明「咁即係我哋要硬食啦？」店員仍然唔肯還番。另外，我哋叫嘅豬肋骨，上嘅時候發現佢中間啲肉係血紅色的，仲有啲血水。我哋於是又同返該店員講，店員竟然回答：我哋豬 一般來講都唔會煮太熟。真係聽到我同班fd呆咗，係人都知豬一定要煮熟，否則有蟲。曾經有朋友嘅親戚因為食咗生嘅豬肉，搞到啲蟲上腦，成個人渾渾噩噩。大家睇吓以下張相就知咩事。最後，其實一開始坐低，我哋已經問店員係咪匯豐信用卡有八八折優惠，店員表示可以。結果，買單時店員先至講優惠只適用於Master Visa卡，不接受銀聯。點解一開始唔表明唔用得，而且餐廳內掛嘅嘅
首先，我哋嗌左一個A餐大啡菇意大利飯、墨魚咀沙律、蟹膏意大利麵、豬肋骨。結果嚟咗兩個大啡菇嘅意大利飯。於是同店員講是否落錯單，該店員表示已經同你地覆咗單，話我哋明明係點左兩個大啡菇意大利飯。其實我諗可能大家都有責任，因為店員覆單時，係講A餐 大啡菇，而最後上咗兩個餐，一個係a餐嘅大啡菇，一個係main course嘅大啡菇。店員覆單時，亦冇讀晒所有餐嘅全名，咁我哋當然以為佢係講緊只係a餐嘅大啡菇。最後，店員堅持唔會退返個餐，即使朋友講明「咁即係我哋要硬食啦？」店員仍然唔肯還番。
另外，我哋叫嘅豬肋骨，上嘅時候發現佢中間啲肉係血紅色的，仲有啲血水。我哋於是又同返該店員講，店員竟然回答：我哋豬 一般來講都唔會煮太熟。真係聽到我同班fd呆咗，係人都知豬一定要煮熟，否則有蟲。曾經有朋友嘅親戚因為食咗生嘅豬肉，搞到啲蟲上腦，成個人渾渾噩噩。大家睇吓以下張相就知咩事。
最後，其實一開始坐低，我哋已經問店員係咪匯豐信用卡有八八折優惠，店員表示可以。結果，買單時店員先至講優惠只適用於Master Visa卡，不接受銀聯。點解一開始唔表明唔用得，而且餐廳內掛嘅嘅單張，仲講明八八折，旁邊係有齊銀聯卡。完全誤導人，加上店員又唔講清楚。
其實餐飯係想同朋友慶祝生日，結果我哋連甜品都冇叫就走咗，因為完全破壞咗我哋同朋友慶祝生日嘅氣氛，個個都食到好嬲。
張貼
