更多
2017-08-03
489 瀏覽
夏日炎炎，仍然不阻香港人對打邊爐嘅熱愛。尖沙咀最近開左一間新餐廳，叫黃記煌，主打燜鍋再打邊爐。我地實在孤陋寡聞，原來呢個飲食集團早係大陸打響名堂，什至有六百幾間分店，依家終於係香港開分店。座位與座位之間十分闊落，完全唔會有果種四周圍都係油煙嘅感覺。黃記煌主打三汁燜鍋，滴水不加，只靠食物本身嘅水份同醬汁，用燜燒方法將所有材料燜熟。過程大概十五分鐘，全程會由店員幫手烹調，食到咁上下就再加入湯汁打邊爐。我地選擇左自選鍋，可以選四款食材，我地揀左安格斯牛小排、牛肚、蝦同埋石斑魚柳。醬汁方面就點左招牌鹹鮮汁。所有食材用一個紅色「六寶盒」送上，估唔到嘅係底層嘅蔬菜有咁多，仲有少量藥材，好彩食落去就無乜藥材味。店員先將放入底油抹均，以防黐底，再加入西芹、甘薯、紅蘿蔔、洋蔥、杞子、紅棗等等蔬菜。我地自選嘅肉類同海鮮類就鋪面，密麻麻地鋪滿整個鍋，對兩個人黎講份量相當多，非常抵食。鋪好食材之後，再撒上胡椒、酒、香料等等，蓋上鍋蓋，慢慢燜十分鐘。燜到咁上下，店員就過黎加入特製醬汁，醬汁十分稠密，不過食落又唔算太重口味。怕濃味嘅朋友可以選擇海鮮鹹鮮汁，喜歡辣嘅朋友就要試下佢地嘅麻辣醬汁，據說好香口。材料煮好後
座位與座位之間十分闊落，完全唔會有果種四周圍都係油煙嘅感覺。黃記煌主打三汁燜鍋，滴水不加，只靠食物本身嘅水份同醬汁，用燜燒方法將所有材料燜熟。過程大概十五分鐘，全程會由店員幫手烹調，食到咁上下就再加入湯汁打邊爐。我地選擇左自選鍋，可以選四款食材，我地揀左安格斯牛小排、牛肚、蝦同埋石斑魚柳。醬汁方面就點左招牌鹹鮮汁。
所有食材用一個紅色「六寶盒」送上，估唔到嘅係底層嘅蔬菜有咁多，仲有少量藥材，好彩食落去就無乜藥材味。
店員先將放入底油抹均，以防黐底，再加入西芹、甘薯、紅蘿蔔、洋蔥、杞子、紅棗等等蔬菜。我地自選嘅肉類同海鮮類就鋪面，密麻麻地鋪滿整個鍋，對兩個人黎講份量相當多，非常抵食。
鋪好食材之後，再撒上胡椒、酒、香料等等，蓋上鍋蓋，慢慢燜十分鐘。燜到咁上下，店員就過黎加入特製醬汁，醬汁十分稠密，不過食落又唔算太重口味。怕濃味嘅朋友可以選擇海鮮鹹鮮汁，喜歡辣嘅朋友就要試下佢地嘅麻辣醬汁，據說好香口。
材料煮好後，就食得喇！一開蓋，整個鍋嘅食物熱辣辣又冒晒煙，都幾吸引。個人特別中意牛肚，煮得入味又有咬口。至於甘薯亦都一樣，軟焾焾十分好食。
建議大家幾多三五知己一齊食，我地兩個人食個燜鍋已經食到好飽，加完湯用黎打邊爐只係再叫得落一碟蔬菜拼盤。值得一提係個醬汁再加完湯用黎打邊爐都幾特別，係出面食唔到嘅湯底。金菇吸收晒湯汁，一流。如果個肚仲有空間，叫碗白飯或者烏冬應該都好正。
另外我地點左一壺銀菊露。銀菊露唔會好似出面啲火鍋店咁一味死甜，似返真正嘅涼茶。店員係一旁幫手烹調嘅時間都算長，不過亦都可以順便傾下計。原來黃記煌同許留山依家係同一間公司，所以呢度亦有提供許留山嘅甜品，用料等各方面都同許留山一樣。
食到好飽，都要叫食返啲甜品。我地叫左久違嘅芒之戀。芒果小丸子、芒果蘆薈爽同芒果糯米滋，全部都係熟悉嘅味道，為呢餐畫上完美句號。
張貼
