影片
更多
2018-10-04
1108 瀏覽
中秋節翌日同朋友嚟到試下呢個crossover Guerlain 嘅 Tea Set。雖然呢到無得訂位，但每次嚟都咁啱即刻有位，而公眾假期嘅Afternoon tea 係由13:30開始，我地都14:00前到，無晒近窗邊既位。不過坐後D都舒服，因為個日太曬啦個陽光，酒店都要落一落簾遮吓個太陽。酒店會隨住太陽曬嘅程度去落個個廉，差不多到黃昏時又會開返比人睇落霞，好貼心。環境唔錯，亦坐得舒適，傾計一流，不過硬件就做得未算太好，枱太細，D食物同飲品要放得迫先可以擺得晒係張枱上邊。枱與枱之間太近，就算有無心，點都會聽到隔離枱對話。食物份量足夠，食完都好飽肚。咸點有驚喜，反而就未必件件甜品鐘意。由於洲際Afternoon Tea Menu 係無講個Set有D咩食，只有飲品選擇，而今次送餐既服務生都無介紹到大約有咩食(有時都會撞到有D人會逐樣食物講大約係咩)，所以一路食既時間，有D食物都要估估下係咪嚟。食到半路醒起可能可以上網揾到結果原來佢個官網係有介紹既！鬆餅送到上枱影左幾張相之下，一切開仲可以保持住暖笠笠既温度，加上雪凍左既奶油，一啖咬落去，呢個組合真係無得輸。另外，佢配既鮮果醬係好食過伯爵茶
環境唔錯，亦坐得舒適，傾計一流，不過硬件就做得未算太好，枱太細，D食物同飲品要放得迫先可以擺得晒係張枱上邊。枱與枱之間太近，就算有無心，點都會聽到隔離枱對話。
食物份量足夠，食完都好飽肚。咸點有驚喜，反而就未必件件甜品鐘意。由於洲際Afternoon Tea Menu 係無講個Set有D咩食，只有飲品選擇，而今次送餐既服務生都無介紹到大約有咩食(有時都會撞到有D人會逐樣食物講大約係咩)，所以一路食既時間，有D食物都要估估下係咪嚟。食到半路醒起可能可以上網揾到結果原來佢個官網係有介紹既！
鬆餅送到上枱影左幾張相之下，一切開仲可以保持住暖笠笠既温度，加上雪凍左既奶油，一啖咬落去，呢個組合真係無得輸。
另外，佢配既鮮果醬係好食過伯爵茶啫喱果醬，後者係新推出，不過略嫌無伯爵茶味食得出，得D甜味。4款咸點我同朋友都好快清晒，味道名方面都好夾，會有想encore既感覺。甜點方面大部分較甜，所以有D我食左一半就放棄了，叫嘅飲品好似係French Breakfast tea ，有陣淡淡朱古力味，茶濃度啱啱好，亦好解甜 (飲慣Earl Grey Tea 既朋友都可以試下呢杯新歡啊)！
鹹點
蟹肉馬賽魚湯酥皮餡餅
火腿芝士黑松露三文治法式吐司
法式焗龍蝦奶油麵包
鵝肝鴨肉抹三文治卷
甜點
玫瑰花瓣及紅桑子馬卡龍
黑朱古力咖啡歌劇院蛋糕
檸檬酥皮撻配佛手柑啫喱
巴黎布雷斯特榛子慕斯林奶油泡芙•杏仁及茉莉
柑曼怡酒漂浮島法式甜品配雲尼拿條
英式原味及葡萄乾鬆餅
配伯爵茶啫喱、奶油及鮮果醬
$760
93 瀏覽
0 讚好
0 留言
張貼
