雲來軒 (已結業)

見今日星期六得閒就同屋企人來到呢間同事都讚好的酒家食晏，但係我來的過程有啲曲折，因為棉登徑原來分兩邊，我地行錯咗方向，所以好耐先找到。入到去佢的裝修同一般高級茶樓一樣，有啲卡位，又有啲大枱。我地四個人可以座卡位，個卡位其實可是坐到六個人，所以都坐得好舒服。講下個好有特色的螺湯，因為佢係位上的，你估下佢用咩上個湯？答案係紫沙茶壺同茶杯，仲有個盆一套咁上，只係睇都好有特色，而且個湯好清好甜，仲有鷄腳比你食，好好味呀。係茶樓大家都會燒賣，呢到係一個豪華版，佢有隻好大隻的鮑魚係到，整得好靚，有啲唔捨得食。仲有蝦餃，個皮好薄好好食。個斑球露荀，斑球炒得剛剛好，好嫩好滑，露荀就好脆，啲色已經好好睇，食落真係好好味。咁樣的質數，貴啲都抵啦！