鬼金棒

營業中

休息中

鬼金棒👻｜尖沙咀 邪惡鬼之料理 麻同辛的結合 ｜😋每次行經過尼間鬼金棒都會有人系度排隊，成日都好想入去試下。外面已經好有霸氣。不過最吸引我既其實係佢地大大舊肉，好豐盛。今次終於拉埋羊先生去試下。👻入面行日本暗黑鬼風，風味十足。我地就叫左兩個麵，餐牌方面，其實佢地個湯底都大同小異，唔同既係佢地既toppings。我地一碗就叫左增量叉燒辣麻味拉麵同一碗2倍。🍲講下佢地既湯底先啦，湯底好濃厚，我地揀左小辣就啱啱好，係適合既辣度，麻同辣既平衡做得好好，平時其實我都唔鍾意食麻辣湯底既米線，但我就好鍾意尼個麻同辣🌶。原來佢地係主打麻辣味增湯底，仲有好多辣度可以選擇。大家可以挑戰下地獄級既感覺。湯底都好適合重口味人士，極度濃郁，令你一啖接一啖。😋😋✨✨配料方面，不得不介紹就係佢地大大舊肉🍖，佢係類似東坡肉，一層層，十分之入味，配上佢地麻香辣既湯底，實在太滿足。芽菜同玉米筍配埋拉麵一齊食，可以減低到油膩感。🍜拉麵既麵製可以更加彈牙，算係粗麵，配上湯底都唔錯。