更多
2024-03-15
13 瀏覽
打邊爐嘅鋪頭好多,估唔到喺尖沙咀一間精品酒店入面都有手工火鍋店,而且仲要有VIP包廂,私穩度高!呢間出名火焰鍋🥘,店員會喺你面前煮湯、點火,好似表演咁,好igable!而且店員會幫手片走啲油同加湯,服務唔錯!👍🏻一開始會奉上9宮格醬盤🫕,醬料 $28/位,畀你揀自己要嘅醬,不過每人只有一個兜,🤨三心兩意好難揀呢!🥥火焰三椰雞鍋 $328雞份量都幾多,睇住店員用牛油炒熱啲雞,再點火炒,真係香噴噴!之後仲倒原個椰青同椰皇嘅汁落去,連埋雞湯超清甜,我都飲咗一大碗!🐟自家製黄金炸魚皮 $88炸魚皮好大碟,鹹蛋份量足,上枱仲熱辣辣,炸到金黃香脆,食唔停!🫔自家製菜響鈴 $88響鈴比平時食嘅大舊好多,而且比較厚身,可以吸更多湯,無咁易淋!🥟自家製牛肉小湯包 (半份) $68小湯包細細粒好滴骰,皮薄食落有牛味!🥓美國安格斯牛肉 (中) $268牛肉擺盤妹靚,仲有乾冰嘅煙霧效果,厚薄適中,雪花紋路,入口即溶!
雞份量都幾多,睇住店員用牛油炒熱啲雞,再點火炒,真係香噴噴!之後仲倒原個椰青同椰皇嘅汁落去,連埋雞湯超清甜,我都飲咗一大碗!
炸魚皮好大碟,鹹蛋份量足,上枱仲熱辣辣,炸到金黃香脆,食唔停!
響鈴比平時食嘅大舊好多,而且比較厚身,可以吸更多湯,無咁易淋!
小湯包細細粒好滴骰,皮薄食落有牛味!
牛肉擺盤妹靚,仲有乾冰嘅煙霧效果,厚薄適中,雪花紋路,入口即溶!
張貼