影片
更多
2017-07-17
1285 瀏覽
位如尖沙咀北京道一號嘅，係一間黎自九州嘅日式料理餐廳。可以睇下佢嘅環境同餐單先 → → 睇佢嘅位置都知道個景唔少野啦。冇錯！係有海景嘅！幾靚幾Chilled嫁，不過因為佢地只係8樓，所以唔好期望係無敵大海景，不過已經好夠殺。重要係價錢合理(´∀`)b，帶女黎食海景餐廳都唔洗比人湯到一頸血啦。有和式feel嘅房同4人座位，主廳近落地玻璃睇海景嘅都係普通座位。另外仲有特大房添，啱哂一大班朋友黎食飯又唔想嘈到人或者商務飯聚應酬。呢度環境係好舒服嘅，枱之間都有足夠空間，所以唔會太嘈太迫，我星期二上去唔Full，但如果要就一定要一早Book。匯豐 / 恆生信用卡有(消費$500以上)，或者係FB post相打卡都有。 佢地Draft Beer得Kirin，大同細size。因為我地叫左串燒，當然要叫杯大嘅鋸鋸佢✌ 佢地仲有好多日本酒嫁！鐘意飲嘅朋友就可以黎一試。 沙律係第一個上嘅菜係常識吧。天婦羅炸得好好，都唔算厚粉，蝦冇裝假狗，有番咁大碌(^_<)。我最鐘意佢嘅沙律菜有紫蘇香！推介推介！！ 激好味三色飯(海膽、帆立貝、三文魚) 我又唔覺得激好味，三文魚唔算好甘，海膽都唔太甜，中等級數啦
睇佢嘅位置都知道個景唔少野啦。冇錯！係有海景嘅！幾靚幾Chilled嫁，不過因為佢地只係8樓，所以唔好期望係無敵大海景，不過已經好夠殺。重要係價錢合理(´∀`)b，帶女黎食海景餐廳都唔洗比人湯到一頸血啦。
有和式feel嘅房同4人座位，主廳近落地玻璃睇海景嘅都係普通座位。另外仲有特大房添，啱哂一大班朋友黎食飯又唔想嘈到人或者商務飯聚應酬。
呢度環境係好舒服嘅，枱之間都有足夠空間，所以唔會太嘈太迫，我星期二上去唔Full，但如果要就一定要一早Book。
匯豐 / 恆生信用卡有(消費$500以上)，或者係FB post相打卡都有。
佢地Draft Beer得Kirin，大同細size。因為我地叫左串燒，當然要叫杯大嘅鋸鋸佢✌ 佢地仲有好多日本酒嫁！鐘意飲嘅朋友就可以黎一試。
沙律係第一個上嘅菜係常識吧。天婦羅炸得好好，都唔算厚粉，蝦冇裝假狗，有番咁大碌(^_<)。我最鐘意佢嘅沙律菜有紫蘇香！推介推介！！
$98
11 瀏覽
0 讚好
0 留言
激好味三色飯(海膽、帆立貝、三文魚) 我又唔覺得激好味，三文魚唔算好甘，海膽都唔太甜，中等級數啦。因為前幾日食左放題，所以今日只係叫左刺身飯試下佢地嘅魚生水準，結果冇驚喜。另外佢地有好多刺身、壽司、卷物，下次我會試下卷物，其他就夠了^^"。
$148
15 瀏覽
0 讚好
0 留言
作為生蠔發燒友，點都要試下啦！肉厚好鮮甜，比較creamy，鐵銹味同海水味唔算重。
$38
23 瀏覽
0 讚好
0 留言
日式串燒係今餐最吸引我嘅野！佢地有特選嘅5串同10串，但係我冇理到 ;P，揀左自己愛嘅3款 ↓ ↓ ↓
日式串燒
16 瀏覽
0 讚好
0 留言
銀鱈魚不嬲都係好香好甘，係超市買返屋企唔落油是但煎都係人間美味。銀鱈魚骨更加多佢嘅魚油香！送酒可以話係頂瓜瓜。
$42
14 瀏覽
0 讚好
0 留言
經典日式料理，大家一定不陌生。配着壽喜燒一般嘅醬油湯底，加上烏冬、豆腐、蔬菜菌類，唔好忘記畫龍點精嘅生雞蛋！係咪即刻吞口水呢？呢個鍋好好食，牛肉都好多，有4-5塊大大件嘅牛肉，輕輕拖幾拖熱湯就好食啦，咁先食到佢嫩嫩嘅口感。
$98
15 瀏覽
0 讚好
0 留言
題外話/補充資料：
匯豐 / 恆生信用卡有9折(消費$500以上)，或者係FB post相打卡都有9折
(以上食評乃用戶個人意見 , 並不代表OpenRice之觀點。)
張貼
