潮藝館

去日本🇯🇵食咗咁多餐日本餐，返到香港係時候食番中餐🤣今次去咗尖沙咀食lunch中式點心放題😋當日朝早打電話去訂1:15pm都有位。餐廳唔係傳統中式酒樓，仲有西式餐酒可以order. 每位$168，已包茶芥，不過仲要再加10% service charge. 入到餐廳感覺乾淨舒服，唔會好似一般傳統嘅中式酒樓好嘈。餐牌上有15款食物可以任叫。除非你有特別要求，否則你每次落單，佢哋會跟人數俾食物嘅份量，例如我哋3個人，佢就俾3件蝦餃。呢度唔係寫紙或QR code落單,係由侍應直接落單。我哋除咗蠔仔泡飯冇試，其餘的都有食。味道正常，不過食物上枱熱辣辣，值得讚👍🏻我哋每款叫完第一轉後，encore 咗荷花酥、黃金豆腐、時菜、叉燒包同流沙包。食完encore 嗰轉已經好飽🤣桂花糕係花形，幾特別幾靚。食物不過不失，但價錢稍貴，一般中式酒樓散叫一定平啲😏試過就算，唔會有下次。