影片
更多
2022-05-25
589 瀏覽
途經幾次... 都俾呢間居酒屋吸引住... 齋睇門面裝修同擺設... 已經感覺到極具日本風味! 趁有開心嘢要慶祝一番... 我就提議朋友嚟呢間食豪dd!🤭我地order咗二人前套餐... 都幾豐富、幾飽肚㗎!「二人前套餐」💰1️⃣8️⃣8️⃣8️⃣🥗 飛魚子蟹肉沙律🦞 龍蝦4點刺身🍣 極上壽司盛合🦀 味噌甲羅燒🦪 活貝盛合🐷 豚肉鍋(可選牛肉鍋)🦐 海鮮天婦羅🐮 蒜片和牛燒🍮 甜品飛魚子蟹肉沙律:非常清新醒胃嘅前菜... 打開味蕾!🌱龍蝦4點刺身:即劏即上嘅龍蝦肉肉質非常爽滑鮮甜... 帶子好肥美... 三文魚口感豐腴柔嫩... 油甘魚刺身爽口結實!👏極上壽司盛合:魚子軍艦、帶子壽司同埋多款魚類壽司... 食落好新鮮!🤤味噌甲羅燒:蟹味噌即係蟹膏... 甲羅即係蟹蓋... 而味噌甲羅燒即係蟹蓋裏面放咗蟹膏... 然後擺喺烤爐上面燒!師傅將鵪鶉蛋、葱花、飛魚子、蟹肉同蟹膏撈匀...一邊好pro咁介紹... 一邊燒! 味噌甲羅燒食落鮮味濃郁... 非常好味!😋 我之前買過frozen嘅甲羅燒... 但係品質真係冇得同呢度嘅嫓美!活貝盛合:有2隻生蠔同2隻帶子... 同樣係由師傅幫手燒! 生蠔燒完甘甜
我地order咗二人前套餐... 都幾豐富、幾飽肚㗎!
「二人前套餐」💰1️⃣8️⃣8️⃣8️⃣
🥗 飛魚子蟹肉沙律
🦞 龍蝦4點刺身
🍣 極上壽司盛合
🦀 味噌甲羅燒
🦪 活貝盛合
🐷 豚肉鍋(可選牛肉鍋)
🦐 海鮮天婦羅
🐮 蒜片和牛燒
🍮 甜品
飛魚子蟹肉沙律:
非常清新醒胃嘅前菜... 打開味蕾!🌱
龍蝦4點刺身:
即劏即上嘅龍蝦肉肉質非常爽滑鮮甜... 帶子好肥美... 三文魚口感豐腴柔嫩... 油甘魚刺身爽口結實!👏
極上壽司盛合:
魚子軍艦、帶子壽司同埋多款魚類壽司... 食落好新鮮!🤤
味噌甲羅燒:
蟹味噌即係蟹膏... 甲羅即係蟹蓋... 而味噌甲羅燒即係蟹蓋裏面放咗蟹膏... 然後擺喺烤爐上面燒!
師傅將鵪鶉蛋、葱花、飛魚子、蟹肉同蟹膏撈匀...
一邊好pro咁介紹... 一邊燒! 味噌甲羅燒食落鮮味濃郁... 非常好味!😋 我之前買過frozen嘅甲羅燒... 但係品質真係冇得同呢度嘅嫓美!
活貝盛合:
有2隻生蠔同2隻帶子... 同樣係由師傅幫手燒! 生蠔燒完甘甜鮮美... 帶子嫩滑多汁! 師傅仲提我地記得飲埋帶子d湯汁... 朋友飲完即時「哇!」一聲... 佢真係冇誇張㗎... d湯汁完全係精華所在... 勁鮮甜... 唔飲就走寶啦!🤭
豚肉鍋:
3大片嘅優質日本豚肉... 配野菜豆腐鍋... 份量唔少... 個湯底幾好飲㗎! 鍾意食牛嘅可以order牛肉鍋!😬
海鮮天婦羅:
天婦羅炸物有: 蝦、蠔、秋葵、魚、菇、麵條! 炸出嚟唔會滿口油... 而且香脆美味! 師傅嘅炸物功力非常了得... 將麵條炸出成把扇咁... 認真犀利!👍
蒜片和牛燒:
和牛切粒... 燒到恰到好處... 一d都唔會硬... 幾乎有入口即溶嘅感覺! 配合炸到香脆嘅蒜片... 更加香口!😋
甜品:
是日甜品係紅豆白玉丸子... 白玉丸子Q彈有嚼勁... 同紅豆一齊食... 平衡甜度... 簡直perfect match!👍
飲品: (extra order)
原味Highball 同白桃梳打!
前者係居酒屋必點嘅酒精飲品 ~ 威士忌加梳打水... 酒香同氣泡水交織出刺激口感!
後者比較適合唔飲酒嘅女士... 清甜又清新!
講完食物... 講吓環境! 我超級鍾意呢度嘅環境氣氛... 完全日本居酒屋feel... 佈置擺設盡顯心思! 除咗普通枱櫈... 仲有榻榻米卡位... 別具特式!😍
至於服務... 店員都好有禮貌、好殷勤... 而且面帶笑容! 讚‼️
漁道樂
📌尖沙咀金巴利道35號金巴利中心地下A舖
張貼
