影片
更多
2017-05-09
197 瀏覽
慶祝好朋友生日, 佢最鍾意食海鮮, 網上搵左一輪揀左呢間蒸氣鍋, 評價唔錯, 而且海鮮款式都幾多.餐廳響大廈2樓, 不過好多部電梯, 唔洗好似其他地方等lift等到頸長. 預早訂枱有梳化位, 環境好舒適乾淨.海鮮花多眼亂太多選擇, 最後選擇食套餐.每樣海鮮蒸氣都需要D時間, 所以第一樣係三文魚刺身先醫肚, 無雪味, 肉質好軟, 好新鮮.開左胃就準備食蒸氣海鮮, 大連鮑魚, 肉質彈牙爽口, 味道鮮甜, 配蟲草一齊蒸吊下味. 紐西蘭刀貝大隻, 煙韌有嚼頭, 好鮮甜, 無沙好乾淨.蒜蓉蟶子王肉質豐富, 口感彈牙, 除左蒜蓉味, 仲食到蟶子本身既鮮甜味.仲有手掌咁大既美國石蠔, 蒸完都唔會變蠔豉, 味道鮮甜, 咬落口感豐富夠creamy, 充滿成個口腔.清蒸和牛, 脂肪分怖平均, 紋里清晰, 和牛肉質軟腍, 肉味濃香.食完海鮮同肉類, 可以食埋蟹籽鮮肉釀冬菇, 釀豬肉蒸完都唔鞋, 口感幾滑, 冬菇夠juicy. 清蒸海鹽什菌有好幾種唔同既菌類, 蒸完夠腍, 唔油好健康.最後有南瓜排骨粥, 好清甜南瓜味, 粥底煲到夠細滑, 食埋剛剛好.
餐廳響大廈2樓, 不過好多部電梯, 唔洗好似其他地方等lift等到頸長. 預早訂枱有梳化位, 環境好舒適乾淨.
海鮮花多眼亂太多選擇, 最後選擇食套餐.
每樣海鮮蒸氣都需要D時間, 所以第一樣係三文魚刺身先醫肚, 無雪味, 肉質好軟, 好新鮮.
開左胃就準備食蒸氣海鮮, 大連鮑魚, 肉質彈牙爽口, 味道鮮甜, 配蟲草一齊蒸吊下味.
紐西蘭刀貝大隻, 煙韌有嚼頭, 好鮮甜, 無沙好乾淨.
蒜蓉蟶子王肉質豐富, 口感彈牙, 除左蒜蓉味, 仲食到蟶子本身既鮮甜味.
仲有手掌咁大既美國石蠔, 蒸完都唔會變蠔豉, 味道鮮甜, 咬落口感豐富夠creamy, 充滿成個口腔.
清蒸和牛, 脂肪分怖平均, 紋里清晰, 和牛肉質軟腍, 肉味濃香.
食完海鮮同肉類, 可以食埋蟹籽鮮肉釀冬菇, 釀豬肉蒸完都唔鞋, 口感幾滑, 冬菇夠juicy.
清蒸海鹽什菌有好幾種唔同既菌類, 蒸完夠腍, 唔油好健康.
最後有南瓜排骨粥, 好清甜南瓜味, 粥底煲到夠細滑, 食埋剛剛好.
張貼
