6
0
0
港鐵尖沙咀/尖東站 P3 出口, 步行約6分鐘 繼續閱讀
電話號碼
26331188
開飯介紹
位置方便,提供正宗潮州菜。設有VIP房,客人可提早預訂。特別推介他們的腸粉,十分滑溜。 繼續閱讀
附加資料
設有VIP房, 最低消費$2000可以預訂VIP房
營業時間
今日營業
11:00 - 00:00
星期一至日
11:00 - 00:00
付款方式
Visa Master 支付寶 現金 銀聯 微信支付 Payme
座位數目
100
其他資料
網上訂座
Wi-Fi
酒精飲品
泊車 詳細介紹
賞訂座積分
外賣服務 詳細介紹
加一服務費
電視播放
有關獎賞計劃
食評 (6)
等級3 2021-03-21
332 瀏覽
今晚老細請食飯, 唔想去都要去啦, 老細話平時成日黎, 所以去到佢自動波點好晒餸, 我地等食就得喇.呢度主要食傳統潮州野, 睇餐牌好多野都未食過, 好D期待.先黎個凍盤潮式凍龍蝦, 平時既龍蝦多數清蒸或者刺身, 呢個煮熟之後再雪返凍佢, 原來鮮味道更加濃郁, 而且肉質飽滿結紮實, 更覺彈牙, 確實不錯.另外仲有潮式蒸鯧魚, 鯧魚間中都會食到, 咁潮式有咩特別之處呢, 原來係會用咸酸菜, 酸梅蒸既. 食落有種咸咸地, 酸酸地既味道, 好開口, 啱晒而家潮潮濕濕既悶熱感. 魚肉夠軟嫩細緻, 鮮味濃, 一D腥都無.老細真係無介紹錯, 下次一定要再同佢食飯先得. 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-13
217 瀏覽
終於等到開放晚市堂食, 急不及待跟舊同事聚一聚, 公司附近的既潮式酒家, 平時食都唔錯, 今次試下晚市先.太耐無堂食晚市, 今晚一於豪一豪佢, 侍應介紹將近失傳既潮式名菜, 叫堂灼響螺片, 係潮州菜既手工名貴菜式. 響螺都好大隻, 手臂咁長, 侍應先比我地望下, 之後再拎入廚房打爛佢, 隔左一陣, 螺肉已經片好一片片, 每片都好肥大肉厚, 斤兩十足. 跟手就響面前幫你灼, 沙煲入面仲放左雞, 火腿等等既上湯, 輕輕既一灼, 大約八鈔左右, 來回拖拉, 熟度剛好, 即刻上碟.一放入口, 口感極爽脆, 無加任何調味, 濃郁既海鮮清甜味慢慢滲出, 非常新鮮, 令人一食難忘.另外仲食左凍花蟹, 又係夠大隻, 橙紅外殼賣相不俗. 凍蟹咬落一絲絲既肉質, 扎實夠鮮甜. 繼續閱讀
(以上食評乃用戶個人意見 , 並不代表OpenRice之觀點。)
等級4 2021-02-22
239 瀏覽
向來經常於尖沙咀區出沒,數天前無意中於尖東位置發現這間新開的潮州菜館,自然是要一嚐其究竟,所以今天便趁著午膳時間,特意帶同家人到此享用光顧。滷水鵝片滷水汁使用多種香料調配而成,味道鹹香濃郁,有著出眾的五香氣味,將其均勻淋上和浸泡著鵝片,肉質食用時甚為入味,鵝肉口感甘香嫩滑,緊實多汁。紅燒潮州翅潮州翅黏度較高,膠質豐富,食用時有漿口感覺,而且每羹的魚翅份量皆充足眾多,可見其真材實料。魚翅條條分明,煙韌香醇,加入芫荽同食,既能緩和潮州翅的黏口程度,亦能為味道增添獨特清新。香煎兩面黃伊麵兩面黃就是把煮過的麵條放在鑊中煎製,利用產生的鑊氣慢慢將麵條兩面煎至金黃,再淋上茨汁並讓其滲透吸收於每條焦香的麵條上即可。兩面黃伊麵外觀飽滿厚身,呈現心形狀態,配搭糖和醋食用,口感層次十足,鮮濃入味,酥脆爽口。滷水拼盤整份滷水拼盤份量大盤眾多,價格是 $188,如需要增添其他配料亦可以再額外加錢添加。拼盤有四款鵝食,分別是鵝肝、鵝片、鵝肉、鵝腸,各款均滷得入味,鹹鮮回甜。鵝肝口感細緻綿密,滑膩即化。鵝片肥瘦適中,香滑甜美。鵝肉清甜緊實,帶有嚼勁。鵝腸爽口脆彈,鮮嫩香濃。反沙芋條反沙芋是潮州地區的傳統名點,屬於秋冬甜食。芋條外層被沙糖完整包裹覆蓋,口感皮脆肉嫩,鬆化香甜,芋頭味道甚是濃郁,配上香茶飲用同食,更是絕佳配搭。添財雞添財雞亦即是鹽焗雞。師傅把雞隻各部份切件後再拼砌整齊才奉上,可見賣相美觀且富有心機。潮式做法的特色是雞皮膠質較多,味道滑溜鮮香,肉質鹹香軟嫩,雞味濃郁。總結而言,餐廳設計裝潢較為簡約樸素,內裡可見櫃上放滿各款擺設和字畫裝飾,環境方面舒適整潔,乾淨衛生,菜餚製作用心,味道正宗可口,是品嚐潮州菜的好地方。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-26
292 瀏覽
以往概念食潮州野都剩係識食鵝片, 蠔仔煎, 韮菜豬紅之類, 呢日約左個客, 咁啱佢係潮州人, 佢叫左D平時都唔識既正宗潮州菜黎食.潮式凍龍蝦, 凍蟹可能會食得多, 凍龍蝦第一次食. 清蒸後再急凍, 低溫即時鎖住最鮮既味道, 肉質飽滿結實, 每一口都感受到龍蝦新鮮彈牙. 凍食食到龍蝦最鮮甜, 唔似熱食芝士焗或者上湯焗蓋過晒海鮮既鮮味, 越食越開胃.潮式南瓜餅, 呢樣係潮州好鍾意既糕點, 將南瓜蓉加糖之後蒸, 凍左之後再煎到兩邊金黃色, 外表脆脆地, 入面就軟腍腍. 好香既南瓜味, 甜甜地唔漏, 係一味又健康又好味既飯後甜品. 繼續閱讀
(以上食評乃用戶個人意見 , 並不代表OpenRice之觀點。)
等級3 2020-12-19
211 瀏覽
晚市又要禁堂食, 響禁止之前相約朋友飯聚, 朋友鍾意食中餐, 所以搵左呢間新開潮式酒樓, 可以慢慢食.潮式食品當然要食蠔仔煎蛋, 即叫即煎, 煎得表面金黃香脆, 蛋漿唔會太厚,入面既蠔仔大小適中, 啖啖蠔肉, 粒粒都漲卜卜, 十分味美, 鮮甜多汁, 唔油膩.另一味有潮式咸雞, 皮下脂肪唔多, 肉質嫩滑夠鮮, 質感夠厚, 淡淡咸香, 但咸味唔會搶左雞既鮮味, 送酒一流.   晚市整體滿意, 服務都唔錯, 侍應經常加茶. 繼續閱讀
(以上食評乃用戶個人意見 , 並不代表OpenRice之觀點。)