鮨一 (厚福街)

營業中

休息中

今日挑戰地點就係尖沙咀的鮨一，呢間標榜用赤醋做壽司的非一般居酒屋，以海膽飯杯街知巷聞，今次就試下佢其他野係咪都咁出色一連叫左3隻刺身，磯燒特大鮑魚果然好大份，配埋鮑魚膏醬入口有驚喜，軟硬適中帶啲爽口，磯燒味濃。北寄貝刺身好新鮮，海水味豐富，爽滑啖啖幾滿足。針魚薄透鮮魚味重，足見師傅功力。金目鯛刺身鋪上食用金箔，賣相相當吸引，蔥花帶出更上層樓鮮味，即使居酒屋常食都仍有加分點。因為今次以食刺身為目標，所以都無特別食壽司丼飯，反而叫左個味噌牛舌。牛舌煮得好嫩滑，味噌入味但唔算咸，湯亦飲得，值得一讚。