鮨真 (已結業)

對上一次已經係兩年前嚟到呢度朋友幫自己慶祝生日，覺得又可以欣賞少少維港景觀，生日嘅甜品碟亦都好有心思，廚師會因唔同客人用朱古力醬製作唔同嘅圖案好有心思。今次到我幫慶祝朋友生日，所以再度幫襯。大約兩星期前已經book好位，選擇坐吧枱位置，希望可以欣賞廚師製作過程同埋海景。餐牌裏主要有三個套餐，而當中只有一個包含熱食，所以我哋都選擇咗中位價錢嘅熱食套餐，大約$1500一位。一開始先享用咗八款刺身，廚師會逐樣介紹配搭唔同嘅醬汁，務求令到我哋可以享用到最優質嘅效果，接着會用熱食間場，然後再上六款壽司。今次驚喜位係其中兩款刺身，其餘嘅冇太大感覺，到最後有哈密瓜做甜品亦都有雪糕結尾。今次師傅都好俾心機去用朱古力醬製作甜品碟襯托我哋帶過嚟嘅生日蛋糕，仲好好冇收切餅費❤️可能平日關係，全晚只係得我哋呢一枱，靜靜地慶祝係一個幾好嘅選擇👍🏻如果想睇多啲師傅表演，呢一間餐廳就未必咁適合啦。