鮨 央泰

營業中

休息中

識我嘅朋友都知道我好鍾意食海鮮，之前我Best Friend就特登book咗一間喺尖沙咀嘅Omakase同我試吓。今次我揀咗嘅餐叫做「清雅」，菜式夠晒多十分抵食。🤩素麵前菜係日本山芋做嘅素麵，啲麵條好滑溜，真係好開胃啊！😆松葉蟹茶碗蒸啲蟹肉新鮮嫩滑就不在話下，再加上年糕喺香噴噴嘅茶碗蒸湯底，令人覺得好溫暖！☺️壽司十貫🍣左口魚壽司：魚肉新鮮彈牙 感覺相當清爽墨魚壽司：中間夾住紫菜令啲墨魚味更濃郁又增添咗啲口感白蝦壽司：師傅加咗昆布係白蝦下面 組合好match北寄貝壽司：肉質肥厚 烤過之後口感更爽脆 池魚壽司：肉質結實 魚香味濃郁 油而不膩赤身壽司：口感較結實 魚味亦夠濃海膽壽司：甜美可口 入口即溶 賣飛佛小肌魚壽司：肉質鮮嫩 味道濃厚鮮明 水準之作拖羅壽司：青森下前出產 熟成一星期之後肉質勁柔軟海鰻壽司：油脂豐潤同時入口腍滑 火候啱啱好玉子燒分咗兩種唔同做法，江戶前玉子燒嘅特別之處係佢完全無落麵粉，食落好鬆軟好似食緊蛋糕咁。牛奶忌廉玉子燒帶住微微嘅牛奶香，非常特別！🤤魚湯魚味好濃郁，係一碗好滋味嘅魚湯！😍甜品栗子雪糕栗子味香濃郁，雪糕香滑，係perfect嘅ending！🤣