醉胡爐 (已搬遷) 新店位置

今晚約左朋友睇演唱會見天氣呢兩日急降最好去圍爐拾下拾下，我地打邊爐好最著重湯底！今晚點左招牌鮮椰青雞鍋！店員會將窩中椰子及雞肉由生炒到半熟後贊酒即時燒到個窩起火.一邊炒既時候帶來陣陣椰子味道！最後加入鮮雞湯及原個椰青滾起就飲得！好正!!同牛魔王打邊爐點少得牛肉，今晚一次滿足十二種口感：胡爐十二道牛盛合包括牛頸脊、牛白肉、牛舌心、安格斯、腩肋條、池板、封門柳、飛驒和牛、坑抓、紅酒浸牛、邊抓同牛展，只睇擺盤已好吸晴！每片牛肉都新鮮，牛舌心及牛白肉真係好好食.夠濃味又爽口！另外油脂比較多既飛驒和牛入口即溶！丸類及餃類拼盤各有五款！黑松露芝心手打牛丸 非常彈牙, 師傅係中間加入左黑松露芝士！黑松露味道比較突出！食既時候小心爆醬燙口！另外自家製韮菜餃、黑松露蟹肉餃、手工雲吞也非常足料大大隻架！最後食埋蔬菜拼盤已經非常飽了！