醉胡爐 (已搬遷) 新店位置

最近都凍咗好多，係時候又可以打邊爐。今次介紹嘅《醉胡爐》係尖沙咀人氣嘅火鍋店，主打靚料靚湯底，當中唔少仲加入咗酒嘅成份。我就揀咗兩款唔同嘅湯底，分別係松茸合桃雜菌鍋同埋胡椒豬肚花膠雞鍋。首先講下胡椒豬肚花膠雞鍋，湯底首先溶咗胡椒同埋豬肚煮成，遠遠已經聞到胡椒味，之後可以自行放入鮮雞同埋花膠入去，全部真材實料，感覺好啱冬天去飲。另外松茸合桃雜菌鍋放入香濃嘅松茸，大量嘅野菌同埋合桃，飲落好滋補又暖和。手切頂級安格斯肥牛 依款完全係手切，所以要預啲時間。油花分布好平均，淥一陣可以食，肉味香濃，肉質又軟腍。醉胡爐五寶丸五款唔同嘅丸類，分別係墨魚丸、蝦丸、牛丸、黑松露墨魚丸同埋梅菜豬肉丸。個人就最鍾意松露墨魚丸，黑松露味好香濃，丸類口感又彈牙。餃子拼盤 同樣有五款餃子，分別係韭菜餃、黑松露餃、鮮蝦雲吞、芫荽豬肉餃、同埋鳳城水餃。我自己就最鍾意鮮蝦雲吞，首先鮮蝦大大隻，食落非常鮮甜多汁。蔬菜拼盤四款唔同嘅蔬菜，啱晒食完肉類清下腸胃。人均 $400醉胡爐 (尖沙咀)尖沙咀柯士甸路20號保發商業大廈地舖