牛魔 (已結業)

我真是食肉獸來，最喜歡食燒肉，所以放假都會找一下那裡有好吃的燒肉。今次去食了一間日式燒肉，食材優越、服務貼心、坐得超舒適。-而且還要位置於鬧市中，大家要來試下。這家的食材很高質，要食烤肉放縱下自己，我首選這家烤肉。-🔸牛魔燒肉盛合 $246 有六款牛肉，貼心的店員會教你將食牛肉由淡食至濃味，肉質超很鮮嫩，超推厚切牛舌，又香濃又juicy 啖啖牛脂香，食到最後的A4和牛霜降，入口真係即溶。-🔸燒肉自選組合 $248可以揀三款同埋七款，當然價錢唔同，我揀咗七款可以食得多啲，如果鍾意食豬肉嘅我真係超推薦，豬頸肉真是入口即溶，豬肉油脂勁豐富，好香豬肉味。而且仲有雞同埋牛嘅組合，啱晒同朋友分享-🔸天婦羅配蕎麥麵 $72雖然食燒肉店，想不到其他主食都很不錯，天婦羅蝦炸得很酥脆，粉漿做得不錯，蕎麥麵很爽口彈牙，夏天食就超適當。-因為點了的是午市定食，所以會配前菜同埋湯，質素都不錯。