蜜庵本膳 (已結業)

星期日想食返個悠閒午餐，上網搵到呢間位於尖沙咀赫德道的「蜜庵本膳」，係一間日本和風料理店，裝潢設計甚具日本家庭風味，感覺好溫馨餐牌上的食物以和食料理為主，有價值$128自選配搭的料理套餐，可以從多款主菜裡任選三款，跟餐有餐湯同沙律，仲有埋甜品添，都幾抵食架塩麴三文魚牛油果香芒沙律芒果同牛油果都好新鮮香甜，三文魚夠肥美油潤，成個沙律都好清新開胃蟹肉忌廉薯餅金黃香脆又邪惡的薯餅，內裏係滿滿的忌廉薯肉餡，蟹肉嘅份量唔算多，所以忌廉味比較重季節野菜鍋呢個野菜鍋小巧迷你，裏面有豐富的蔬菜例如日本南瓜、蘿蔔、鮮菇等等，味道清淡唔油膩，夠晒健康！飯的種類可以選擇白飯或者十穀飯，健康又有益，而且飯粒粒分明，有嚼勁同米香香煎胡麻豆腐蓉拌菠菜菠菜同豆腐蓉混為一體，口感特別，豆味濃郁塩燒安格斯肉眼安格斯肉眼牛扒呈七成熟，牛肉味頗香濃，配上芥茉醬後更加滋味西京赤豚汁味增豚汁香濃美味，裏面仲有五花豬腩肉、蘿蔔、豆腐等等配菜，材料炆煮得非常入味，用黎送飯就啱晒熱拿鐵咖啡味濃厚醇香，鮮奶好香滑，好出色的一杯咖啡沉默搖籃曲呢杯茶係由甘草、有機金盞花、洋甘菊、薑、菊花所組成，帶有菊花同薑嘅香味，清肝明目，入口好舒服咖啡