The Pearl

餐廳分室內同室外，氛圍幽靜昏暗，好啱飲酒。Crimson Samurai，以伏特加做底，加入茉莉花茶同蘋果juice，飲落酒味唔重，伴有淡淡花香。Wandering Voyage，好靚嘅一杯Cocktail，落入朗姆酒，椰子水，斑蘭汁等，椰子味道濃郁，後味會有朗姆酒香。無花果帕馬火腿沙律，火腿入口咸香高質，同蜜瓜好夾。底下黑醋沙律汁可以中和咗火腿油膩，食落好fresh。吞拿魚牛油果泡沫他他配自製羅勒油，牛油果製成泡沫，再加埋自家制羅勒油，同吞拿魚蓉一起撈埋食用。吞拿魚蓉新鮮油脂豐富，伴有陣陣羅勒香味，味覺層次好豐富。和風醬油大蝦煙肉扁意粉，用日本甜醬油烹製意粉，再加埋日本大蔥點綴，創意唔錯。意粉唔會好韌，醬油味濃郁，極具日本風味。香煎牛封門柳，牛肉煎到五成熟，外面焦香，內裡多汁軟嫩。綠色醬汁偏酸，可以解膩。整碟伴有薯蓉同椰菜仔，薯蓉牛油味濃郁，入口綿密，椰菜仔清甜脆口，全部食曬好飽TIM。