南瀛水產

再來生日飯全紀錄❤好友知我剛剛既日本之旅都沒有吃磯燒海鮮，就帶我到呢間南瀛水產🐟🦐~此店以木系裝潢為主調，天花掛起粗麻繩、草帽吊燈，營造漁船既感覺，彷如置身日本江戶時代既食店。以大大枝清酒作擺設，好有清酒祭既氣派~我點了杯菠蘿燒酙，有d似Piña Colada既做法，中間有忌廉、鮮菠蘿，酒味唔太濃但清新，好啱夏天飲。🍹🥃愛好梅酒既朋友就點左梅酒梳打~先來一客蕃茄沙律🍅 蕃茄切得薄薄，刀工唔錯，沙律菜加上醋汁先打開味蕾~  香蒜牛舌，蒜味唔會太重遮左本身既味道，牛舌口感軟嫩。【東瀛五點盛】🐋🦐有油甘魚、三文魚、蝦、帆立貝、吞拿魚，每款3件，新鮮肥美，不遜色~ 最正係吞拿魚用上赤身跟中拖羅既中間部份，口感油分平均~【南瀛卷】亦係用左拼盤既擺法，２大片海膽、蝦既下面放有吞拿魚蓉卷，旁邊則放滿三文魚子、吞拿魚蓉，分量唔少～之後係我最期待既【活貝盛合🐚】，排得靚靚~燒海鮮既過程，我地都唔洗動手，唔洗驚唔夠熟或者燒乾~ 🐚鮑魚大大隻仲識旭，好新鮮。　睇住店員純熟地燒，鮮味隨之而來~肥美既蠔，蠔身肉厚飽滿，入口浸透住海水味，保持到濕潤度，肉質亦未有變韌~ 燒原隻帆立貝，裙邊燒得剛好唔會韌，仲幾彈牙～