Camellia (已結業)

早排見Camellia和Paul & Joe crossover推出20周年盛夏巴黎下午茶做優惠🌸, 仲會送Paul & Joe底妝和唇膏👄，性價比高，所以相約閨蜜👯前來。我地接近活動尾段先到訪，禮品已派發完，不過好彩今次都坐到招牌花花🌺打卡牆位。甜點造形可愛，最特別是士多啤梨雪條🍓，白朱古力脆皮裏面是香濃的士多啤梨味雪糕🍦，仲有粒粒果肉。仲有天鵝造型🦩的烏龍泡芙、貓咪🐈造型的日柚子馬卡龍、玫瑰花🌹形的白巧克力熱情果慕絲、貝殼形🐚的雲呢拿瑪德琳、紅桑子奶凍和金桔撻🍊。賣相討好，好有少女心💓，不過味道就一般，甜得有點膩。鹹點包括：生牛🐂他他多士、吞拿魚腩蓉🐟牛油果配紫菜片、意大利風乾火腿🐖無花果法包、黑松露芝士撻🧀。個人覺得鹹點味道比甜點出色👍，當中最特別的是吞拿魚腩蓉牛油果🥑配紫菜片，脆紫菜配肥美鮮甜的吞拿魚腩蓉。而鬆餅用玻璃首飾盒另外擺放，跟配忌廉和士多啤梨果醬🍓。仲可以另加櫻花🌸水信玄餅、鵝肝醬多士🍞、楊枝甘露蛋糕🥭等甜點。