日山 (海運大廈)

營業中

休息中

一直知道好full都差不多早一個月去訂位。同朋友一直只留意影相好靚，去到睇menu先發現主要係食和牛。但我地都係唔食牛嘅人～所以就揀咗豚同魚。好精緻一set前菜，茶碗蒸。以淡味為主，白酒啫喱初頭以為入面粒車厘茄會好奇怪，竟然比相像中好食。刺身非常之新鮮！好鮮味又有口感。本身唔太食生嘢嘅我都覺得好食！去到主菜，慢煮豚肉切好晒一片片非常易入口。煮得好淋好軟，而且份量都多。另外煎鱸魚皮煎得好香脆，魚肉好滑，完全唔會有腥味。我依啲唔食魚嘅人都食左一舊。最後仲有個柚子雪葩，清香爽口。酸酸甜甜好岩做飯後甜品！食物都唔會太多調味去保留原有味道。服務態度好好，好貼心咁幫我地加熱茶，又會禮貌地詢問食客覺得食物岩唔岩口味，有無食物敏感等等。